1 Samuel 2:2 - Bible Ni Thothup

² “Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.

1 Samuel 2:2 交叉參考

2 Samuel 22:3

Got rog e ir e manaf rog, gu be par rok ndabi buch ban’en rog; ma yoror rog ni bod bangi shield nma fek e salthaw ngu’ur mithgad nga fon ko mael; ma par rog ndabi buch ban’en rog. Ir e ma ayuweg e pogofan rog; ma ayuwegneg ko ngiyal’ nike yib e cham ngog.

2 Samuel 22:32

Kemus ni SOMOL e ir e Got; kemus ni Got e ir e yoror rodad.

2 Samuel 7:22

SOMOL ni Got, rib sorom! Dariy be’ ni bod gur; dakuriy yugu reb e Got nga bang, ya kemus ni gur, ni bod ni kug rung’aged.

1 Kings 8:23

me meybil ni ga’ar, “SOMOL ni Got rok yu Israel, dariy reb e kan u tharmiy ngu but’ ni bod gur! Ri gab yul’yul’ ko m’ag ni kam ngongliy u thilmed e tirom e girdi’, ma ga be dag e t’ufeg rom ngorad ni fa’anra yad be par ni yad be fol rom u polo i lanin’rad.

Psalms 111:9

Got e ke pithig e girdi’ rok, ma ke ngongliy ba m’ag u thilrad ni manemus. Ir e ba thothup ma ba gel gelngin.

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 18:31

I SOMOL, ni kemus ni ir e Got; kemus ni Got e yoror rodad.

Psalms 71:19

Got, fenam mat’aw e ke taw nga lanelang. Gur e kam rin’ bogi maang’ang; dariy be’ ni bod gur.

Psalms 71:3

Gur e ngam mang manaf rog nib gel nge ba yoror nib gel nma yororiyeg; gur e war rog ma gur e ga ma n’ufegeg.

Psalms 73:25

Ku ba mang ban’en ni bay rog u tharmiy ya kemus ni gur? Fa’anra ga bay rog, ma mang e ren’en ni ku gu ra adag u fayleng?

Psalms 86:8

A Somol, dariy reb e got ni bod gur, ma dariy reb nike rin’ e n’en ni kam rin’.

Psalms 89:6

SOMOL, dariy be’ u tharmiy ni bod gur; dariy reb e pi chon e tharmiy ni ta’reb rogon ngom.

Psalms 89:8

SOMOL ni Got ni Gubin ma Rayag Rok, dariy be’ ni bod fanam gel; A SOMOL, ga ba yul’yul’ u fithik’ urngin ban’en.

Psalms 99:3

Gubin e girdi’ ni bayi pining e sorok nga fithingan nib rir ma ba gilbugwan. Ir e ba thothup!

Psalms 99:5

Ke sorok SOMOL ni Got rodad; mu siro’gad u puluwon tagil’ nib pilung! Ir e ba thothup!

Psalms 99:9

Mu pininged e sorok ngak SOMOL ni Got rodad, mi gimed liyor ngak ko fare burey rok nib thothup! I SOMOL ni Got rodad e ba thothup.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Isaiah 40:18

I mini’ e rayag ni ngan ta’rebnag ngak Got? Ra nga ni weliy rogon ya’an ma uw rogon?

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 6:3

Ma yad be non nra bagayad ma be ga’ar ngak bagayad: “Ba thothup, ba thothup, ba thothup! I SOMOL ni Gubin ma Rayag Rok e ba thothup! Rogon feni sorok e ke sugnag e fayleng.”

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Levitikus 11:44

I Gag SOMOL ni Got romed, ere thingar mu ted gimed ni gimed ba tabgul, ni bochan e gub thothup.

Levitikus 11:45

Ya Gag SOMOL e gu fekmed nga wuru’ yu Egypt ya nge yag ni nggu mang Got romed. Thingar mu thothupgad, ya gub thothup.

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Roma 15:4

Ya urngin ban’en nni yoloy ngalan e babyor nib thothup e ni yoloy ni nge fonow nagdad, ni bochan e nge yag e l’agan’ ngodad u fithik’ e gumaen’ nge athamgil laniyan’ ni be pi’ e thin ko babyor nib thothup ngodad.

Roma 4:8

Kari felfelan’ e en ni denen rok e dabki tay Somol ni malfith rok!”

Deuteronomy 3:24

‘SOMOL ni Th’abi Tolang, kugnang ni kam tabab i dag ngog feni sorom nge feni gel gelngim. Ya dariy ba got u tharmiy fa but’ nrayag rok ni nge ngongliy e pi maang’ang ni kam rin’!

Deuteronomy 32:20

Me ga’ar, ‘Ri dab kug ayuwegrad, nga ayug guy e n’en ni bayi buch rok e pi girdi’ ney ni gel laniyan’, ma darir yul’yul’gad.

Deuteronomy 32:39

“‘I Gag, ma kemus ni go’ Gag e Got; dakuriy yugu reb e got ngabang. Gu ma thang e pogofan ma gu ma pi’ e pogofan, gu ma maad’ad nigey ma gu ma faseg e maad’ad, ma dariy be’ nrayag ni nge togopluw ko tin gu ma rin’.

Deuteronomy 32:4

“I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Deuteronomy 4:39

Ere chiney e kari mu nanged ni SOMOL e ir e Got nu tharmiy ngu fayleng, ma dakuriy yugu reb e Got nga bang. Ngu’um ted e pin’ey u lanin’med ma dab mu paged talin.

1 Peter 1:16

Ya be ga’ar e babyor nib thothup, “Thingar mpired ni gimed ba thothup, ya gub thothup.”