3 Ma bay gub gu sak’iy u to’oben e chitamag u daken e ted ko gin’en ni ga be mith riy nggu weliy murung’agem ngak. Ma tin bay kug rung’ag e thin e bay gguy rogon ngam nang.”
ma aram me cheal nge weliy ngak David ni ga’ar, “Chitamag e be guy rogon ni nge thang e pogofan rom. Ere wenig ngom, mu ayuw gabul ni kadbul; mu guy rogon ngam man mmith ngabang ma ga par riy.
Ma fa’anra be leamnag ni nge li’em, ma SOMOL e nge thang e fan rog ni fa’anra dab guy rogon ngam nang, nge yag ni mu guy rogom nga bang ni dabi buch ban’en rom riy. Mang e yigi par SOMOL rom ni bod ni i un ngak e chitamag.
Me ga’ar Jonathan, “Dab mu leamnag e tinir! Ya fa’an mang e kug nang nike duwgiliy e chitamag u wan’ ni nge li’em, ma rib mudugil ni gu ra weliy ngom.”
