1 Samuel 1:1 - Bible Ni Thothup

¹ Immoy be’ ni pumo’on ko ganong rok Efraim, ni Elkanah fithingan, ni i par ko binaw nu Ramah ni go’ burey u Efraim. Elkanah e ba mo’on ni fak Jeroham, nib mo’on ni fak Elihu, nib mo’on ni fak Tohu, nib mo’on ni fak Zuf ni be’ nu Efraim.

1 Samuel 1:1 交叉參考

1 Kings 11:26

Reb e girdi’ ni cheal nge togopluw ngak Solomon ni Pilung e reb e tolang ni bay u tan pa’, ni aram Jeroboam nib mo’on ni fak Nebat nu Zeredah u lan yu Efraim. Zeruyah ni chitiningin e ke yim’ e pumo’on rok.

1 Kronicles 6:12

Zadok, Shallum,

1 Kronicles 6:22

Ba’aray e pi’in owchen Kohath u reb e mfen ngu reb: Amminadab, Korah, Assir,

1 Kronicles 6:33

Ba’aray e pi’in owchen e pi tabnaw ni ur manged ga’ ko tang: Fare ke girdi’ rok Kohath: I Heman nib mo’on ni fak Joel e ir e i gafaliy e bin m’on e ulung ko tang. Gathon e tabnaw rok Heman ni tabab rok nge yan nga tomur nge mada’ ngak Jakob ni bod ni ba’aray: Heman, Joel, Samuel,

1 Kronicles 6:34

Elkanah, Jeroham, Eliel, Toah,

Matthew 27:57

Fa’ani neap’ me taw be’ nib mo’on u Arimathea nib pire’ ban’en rok, ni Josef fithingan, ni ku ir reb pi gachalpen Jesus.

Joshua 24:33

Me yim’ Eleazar nib mo’on ni fak Aron min k’eyag u Gibeah, chi binaw nem e bay u Efraim ni go’ burey nni pi’ ngak Finehas nib mo’on ni fak.

Judges 12:5

Rogon ni yira ayweg ni dabi mil piyu Efraim, e piyu Gilead e ngar koled yuyang ko fare lul’ ni Jordan nrayag i th’ab e lul’ riy. Ma nap’an nra yib reb e girdi’ nu Efraim ni be guy rogon ni nge mil nge th’ab e lul’ nga barba’, me fith e pi pumo’on nu Gilead ni lungurad ngak, “Gur be’ nu Efraim?” Ma fa’anra ga’ar, “Danga’,”

Judges 17:1

Immoy be’ nib mo’on ni Mikah fithingan, ni i par u Efraim ni go’ burey.

Judges 19:1

U lan e pi rran nem, e dariy e pilung u lan yu Israel, ma immoy be’ ni reb e Levi ni i par u Efraim ni go’ burey. I fek be’ ni bpin u Bethlehem u lan yu Judah nge mang bpin rok.

Judges 4:5

Ma yan i par nga tan ba ke gek’iy ni palm ni bay u thilin yu Ramah ngu Bethel ni go’ burey u Efraim, ma girdi’ nu Israel e yad ma yan ngak e ngaram nge yog ngorad e tin ke duwgiliy.

Ruth 1:2

Elimelek fithingan e re mo’on nem; me Naomi fithingan le’engin, me Mahlon nge Kilion fithingan fa gali pumo’on ni fakrow. Yad girdi’en fare ke girdi’ ko Efrath u Bethlehem in bay u lan yu Judah. Ranod nga Moab miyad par u rom.

1 Samuel 1:19

Fa’ani reb e rran riy nri kab kadbul me od Elkanah nge chon e tabnaw rok ngar meybilgad ngak SOMOL, miyad sul ko tabinaw rorad nga Ramah. Me par Elkanah nge Hannah ni le’engin, me fulweg SOMOL taban e meybil rok Hannah.

1 Samuel 17:12

David e ba pagel ni fak Jesse, nib Efrath ni be’ ko fare binaw nu Bethlehem u Judah. Mi Jesse e meruk e pagel ni fak, ma ngiyal’ ni ba’aram ni pilung Saul e ke pilibthir Jesse.

1 Samuel 2:11

Ma aram me sul Elkanah nga tafen nga Ramah; me par fachi pagel ni fak u Shiloh, ngi i pigpig ngak SOMOL u tan pa’ Eli ni prist.

1 Samuel 7:17

Me sul nga tafen ni bay u Ramah, ngki pithig e oloboch u rom. Me toy ba altar ni fan ngak SOMOL u Ramah.

1 Samuel 9:4

Miyow yan ngabang i n’en u Efraim ni go’ burey ngu lan e nug nu Shalisha, machane dar piri’egew fapi dongki; aram mranow ngalan e nug nu Shaalim, ma dar piri’egew fapi dongki u rom. Miyow yan ko gin nib mil suwon ko Benjamin, machane ku dar piri’egew fapi dongki u rom.

1 Samuel 9:5

Ma fa’an rabow ko nug nu Zuf, me ga’ar Saul ngak fare tapigpig rok, “Ngad sulow nga tabinaw, ya bay dabki leamnag e chitamag fapi dongki me par ni be magafan’ ngodow.”