1 Peter 3:3 - Bible Ni Thothup

³ Ma susun e dab mu ted ban’en nga dowmed ni nge fal’eg yaamed ngam pidoranggad, ni bod rogon ni gimed ma fal’eg rogon piyan lolugmed, ara churuwo’ ni gimed ma tay nga dowmed, ara mad ni gimed ma yin’.

1 Peter 3:3 交叉參考

Genesis 24:22

Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.

Genesis 24:47

Me lungug ngak, ‘I mini’ e chitamam?’ Me ga’ar, ‘Fak Bethuel gag, mi Bethuel e be’ ni fak Nahor nge Milkah.’ Ma aram mu gu tay fare luwaw nga p’ethungun mu gu yuy’ fa yu gaf i bachal nga pa’.

Genesis 24:53

Me fek e silber nge gol nge nunuw nib tolang puluwon, nge mad nge pi’ ngak Rebekah. Miki pi’ boch e tow’ath nib tolang puluwon ngak fare pumo’on ni walagen Rebekah nge ngak e chitiningin Rebekah.

2 Kings 9:30

Me taw Jehu nga Jezreel. Ma ke rung’ag Jezebel e n’en nike buch, me yan i achey owchen, me fal’eg rogon piyan lolugen, me yan i sak’iy ngi i sap nga kanawo’ u langan e winda ko fare naun ni tafen e pilung.

Ester 5:1

Me yan i rofen ni gaman e dalip fen ngay nike pag Ester e abich me yon’ ba mad nib n’uw ni madan e Queen me yan i sak’iy ngalan e yoror ko naun rok fare pilung nib sap ko fare senggil ni bay e chiya ntagil’ e en pilung riy. Ma bay fare pilung u lan fare senggil nike par u daken fare chiya ntagil’ e pilung, nib changar nga langan e mab nga wean.

Psalms 45:9

Pi’in rugod ni fak e pilung e yad bay u fithik’ e ppin ni yad ma par u lan e yoror rom, ma nga ba’ ni mat’aw ko chiya’ rom e ba sak’iy fare bpin ni le’engim riy, nib nunuw ko tin th’abi fel’ e gol.

Exodus 3:22

Gubin e ppin nu Israel ni bay ranod ngak e pi’in nu Egypt ni yad buguliyoror nge re pin nu Egypt ni yad be par u ta’ab naun ngar ninged ngorad e mad nge gol nge churwo’ ni silber. Ra pi’ yu Egypt ngomed, mi gimed tay e pin’ey nga k’angan pifakmed ni pumo’on nge ppin. Ya ngam chuwgad u Egypt ma ke un gubin e pin’ey ngomed.”

Exodus 32:2

Me ga’ar Aron ngorad, “Mu feked e talbuch ni gol ni be talbuch pi le’engmed, nge pifakmed ni pumo’on nge ppin ngay i yib ngog.”

Exodus 33:4

Ma fa’ani rung’ag e girdi’ nu Israel ni dabi un Got ngorad, miyad tabab ko meyor, ma dakuriy be’ ni tay e nunuw rok nga downgin.

Exodus 35:22

Ere rabad ni ppin nge pumo’on ni pi’in nib magan’rad ngay, ni kar feked i yib bogi ping ni bfel’ ya’an, nge talbuch, nge luwaw, nge churwo’, nge gubin mit nunuwan dowey nni ngongliy ko gol, ngar pi’ed ni aram e kar og niged ngak SOMOL.

Exodus 38:8

I ngongliy barba’ i dabiy nge ay ko wasey ni bronze, ni ngongliy u yuyang i therik ni fen e ppin ni yad ma pigpig u mit fare Tent u p’eowchen SOMOL.

Isaiah 52:1

Jerusalem, mu gel me gilbuguwam bayay! Binaw rok Got ni gab thothup, mon’ nga dakenam e mad rom nib gamog! Pi’in gathi yad e girdi’ rog e dab kurbad ngalan e yoror rom bayay.

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Jeremiah 4:30

Jerusalem, gafgow gur! Mang ni ngamon’ e mad ni row nga dakenam? Mang ni ka mu nunuw ko churwo’ ma ka mu achay owchem? Ka mu ngongliy rogom ka mu pidorang ni dariy fan! Pi ilingem e ka ra furuyed gur ma yad be finey ni gomang e ni thang e fan rom.

Ezekiel 23:40

“Ra tew reb e malwol nga daken reb ni yow be pining e pumo’on nu bang nib orel, marbad. Me maluk fagal walag mar acheyew owcharow miyow nunuw ko churwa’ nge bachael.

Roma 12:2

Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

1 Peter 3:2

ya bay ra guyed rogon feni machalbog pangimed nge rogon ni gimed be tay farad.