1 Peter 2:24 - Bible Ni Thothup

²⁴ Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.

1 Peter 2:24 交叉參考

Genesis 22:6

Me yog Abraham ngak Isak ni nge fek e l’ud ni fan ko maligach ni nga ni urfiy, me mang ir e fek fapi kol ni fan ko nifiy, me fek e yar. Miyow yan.

Psalms 147:3

Ma be golnag laniyan’ e pi’in ke kireban’rad ma be taflaynag e maad’ad rorad.

Psalms 38:4

Gu be lumach u fithik’ pi denen rog nike sugbur; nib gilab ni kay gi tomal ni nggu chibiy.

Exodus 28:38

Aron e nge tay e ran’ey nga lolgen nib migid e madaliya riy nga peri’, ya aram e Gag SOMOL, e ra magan’ug nga urngin e pin’en nra pi’ yu Israel ni kar og niged ngog, ni yug ra mang e kar og niged nib kireb rogon ngog.

Proverbs 20:30

Yu ngiyal’ e ri gadad ra fek ba amith riy mfini thil pangidad.

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Levitikus 16:22

Re kaming nem e bayi fek urngin e denen rorad nge yan nga bang nder par e girdi’ riy.

Levitikus 22:9

“Gubin fapi prist ma ngar folgad ko pi gafal ni kug pi’. Ya fa’anra danga’, ma yad ra par nib buch e rorad miyad ra yim’, ni bochan e dar folgad ko fapi gafal nib thothup. I Gag SOMOL e kug thothup nagrad.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Numbers 18:22

Ma tin kabay e girdi’ nu Israel e dab ra chugurgad ko fare Tent ya yad ra rin’ ma yad ra girengiy e gechig ni yam’ nga dakenrad.

Matthew 27:26

Me pag Pilate Barabbas; me pi’ Jesus ngan toy nge mu’ me pi’ ni ngan richibiy ko kuruth.

Matthew 5:20

Ere gu be yog ngomed nrayag ni ngam marod ko gagiyeg nu tharmiy ni kemus ni fa’anra kab gel e yul’yul’ romed, rok e pi’in tamchib ko Motochiyel nge pi Farise u rogon ni gimed be rin’ e tin nib m’agan’ Got ngay ni nge rin’ e girdi’.

Matthew 8:17

I rin’ e ren’ey ni fan e nge yib i m’ug nib riyul’ e tin ni yog Isaiah ni profet ni ga’ar, “I ir e fek e m’ar rodad me fek e liliy rodad nge chuweg.”

Mark 15:15

Me ere tafinaynag Pilate ni nge yan nga laniyan’ fapi girdi’ ni yo’or, me pag Barabbas. Ma aram me yog ni ngan toy Jesus, nge mu’ me pi’ ni ngan richibiy ko kuruth.

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

John 19:1

Me pi’ Pilate Jesus ngan toy.

Acts 10:35

En ni bay madgun Got u wan’ ma be rin’ e tin nib mat’aw e ra i par ni bfel’ u wan’ Got ndemturug ko be’ u kun nam.

Acts 10:39

Gamad e mich u urngin e tin ni rin’ u lan e nam rok piyu Israel ngu lan yu Jerusalem. Ra li’ed ngem’ ni rrichibiyed ko kuruth.

Acts 13:29

Ma nap’an nra mu’gad i rin’ urngin e tin ni kem’ay i weliy rok e babyor nib thothup ni murung’agen, miyad luweg nga but’ u kuruth ngar ted ngalan ba low ko yam’.

Acts 5:30

Fare Got rok e pi chitamangidad e faseg Jesus ko yam’ u tomuren ni kam thanged e fan rok, ni fa’ani mrichibiyed nga ba kuruth.

Roma 6:11

Ere aray rogon ni ngam leam niged gimed ni kam m’ad rok e denen ma kam folgad ni gimed bay rok Got ni kam ta’ab girdi’gad Kristus Jesus.

Roma 6:13

Ma thingar dab kum paged fan bang u dowmed ngak e denen ni ngan maruwel ngay ni fan ko tin nib kireb. Machane ngam pi’ed gimed ngak Got, ni bod rogon e girdi’ ni kan chuwegrad ko yam’ kan fekdad ko yafos, mi gimed pi’med nge tafinay romed ni polo’ ngak ngan maruwel ngay ni fan ko tin nib mat’aw.

Roma 6:16

Bmuduwgil ni gimed manang e re bugithin ni ba’aray: fa’an gimed ra pi’med nga pa’ be’ ri bod rogon e sib, ni aram e ngu’um folgad rok fa’anem, ma aram e kam manged sib rok fare masta ni ir e gimed be fol rok — ni demturug ko denen e kam manged sib rok, ni wenegan nma yib e yam’, ara kam manged sib rok e fol, ni wenegan nma yib e kan mat’aw ngak Got.

Roma 6:2

Ri danga’! Ya kadm’ad rok e denen — ere ra di’in mu ud pired ni kagadad be par u fithik’?

Roma 6:22

Machane chiney e kan chuwegmed u tan pa’ e denen kam manged sib rok Got; ma wenegan nike yib ngomed e kari mpi’ed gimed nga pa’, ma tomuren e biney, e yafos ndariy n’umngin nap’an e bay yag ngomed.

Roma 6:7

Fa’anra yim’ be’ ma ke chuw u fithik’ i gelngin e denen.

Roma 7:6

Machane chiney e kad chuwgad u tan e Motochiyel, ya kadm’ad rok e ren’en ni i taydad ba ngiyal’ ni gadad e kalbus rok. Ere dakurid pigpiggad ko bin kakrom e kanawo’ ni ba motochiyel ni kan yoloy, machane bin nib be’ech e kanawo’ ni kanawo’en fare Kan ni Thothup e gadad be pigpig riy.

1 Korinth 15:3

Kug pi’ ngomed e tin ni yag ngog ni ir e ba th’abi ga’ fan, ni aram e Kristus e yim’ ni bochan e denen rodad, ni bod rogon ni bay ni kan yoloy u lan e babyor nib thothup;

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

Efesus 5:9

ya fare tamilang e bo’or wom’ngin urngin mit e fel’, nge mat’aw, nge tin riyul’ nma pi’.

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.

Kolose 2:14

Ma ke thang babyoren e malfith rodad ni ir e immoy nib mich nib togopluw ngodad, nib mu’un ngay e tin ni i yog e motochiyel ni ngan rin’, me richibiy ko kuruth, ni aram e re babyor nem e ke m’ayfan.

Kolose 2:20

Kam uned ngak Kristus ko yam’ kan chuwegmed u tan pa’ e pi kan ni yad ma gagiyegnag e gin’en ni bay urngin ban’en u lanelang riy nib mu’un e fayleng ngay. Ere mangfan ni gimed be ngongol ni gowa mmil famed ngaray nga fayleng? Ere mang ni gimed be fol ko pi motochiyel ni bod e pi motochiyel ni ba’aray nike lunguy,

Kolose 3:3

Ya kam m’ad, ma yafos romed e kan uneg ngak Kristus kan mithag nga fithik’ Got.

Hebrews 10:10

Bochan e rin’ Kristus e tin ni ba’adag Got ni nge rin’, ma aram fan ni gadad gubin ni kan chuweg e denen rodad kad be’echgad ni bochan fare maligach ni pi’ ni aram downgin, nri ta’ab yay ma aram e kemus.

Hebrews 10:5

Ireray fan ni fa’ani chugur ni nge yib Kristus ngaray nga fayleng me ga’ar ngak Got: “Dabum e maligach nge gamanman ni yibe pi’ ngom, machane kam ngongliy rogon ba dowef ni fenag.

Hebrews 12:13

Ngam pired ni gimed be yan u daken e kanawo’ nib k’iy, ni fan e aymed ndariy gelngin e nge dabi kireb, machane nge gol.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Hebrews 9:28

Ere aram rogon ni Kristus e ku ni pi’ ni maligach nri ta’ab yay ni nge chuweg e denen rok bo’or e girdi’. Ma bayi yib i m’ug ko yay ni nge man e l’agruw yay ngay, ni gathi fan ko denen, machane bochan e nge thapeg ngak Got e pi’in yad be sonnag.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.

1 John 2:29

Gimed manang ni Kristus e bmat’aw; ere susun e ngam nanged ni gubin e girdi’ nma rin’ e tin nib mat’aw e yad pifak Got.

1 John 3:7

Pifakag, dab mpaged be’ nge ban nagmed! En nra rin’ e tin nib mat’aw e bmat’aw ni bod feni mat’aw Kristus.

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.