ZAKHARIA 9:4 - Susula Malalaok Hehelu Palak Ma Hehelu Beuk

⁴ Tehu neukose Manetualain tao-nan da'di nuu-taa hata-taak. Basa kota ndia, su'i-beten lala'en-na, neukose Ana tu'u-tapa henis leo tasi dale neu, ma neukose ha'i na'a heni kota ndia.

ZAKHARIA 9:4 交叉參考

AMSAL 10:2

Su'i-betes fo hapun neme enok tipu-daik-ka mai, ta neni nanalak fa; nasafalin-na, ndoos-sa, neukose neni maso'dak.

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

YESAYA 23:11

Manetualain nakapepela liman-na neu tasi lain, de ana loliheni nusa-nusak-kala. Ana fe paleta, fo ela tao nakalulutuk Fenisia kota musun-nala.

YESKIAL 26:17

Basa soona, neukose lakamee fe o, nakamee natoi-natonok-ka nde ia nae: Kota fo nanakoa-nanakiok-ka, nakalulutuk so! Ofan-nala lala'en-na, nanasapu balisik neme tasi maloaina mai. Makasososan-na, laun-nala koasa nai tasi-a, de ala tao-la hataholi tasi su'uk-kala, ala bii-lamata'u.

YESKIAL 28:16

O langam-ma dila no ka'da nase'o-banasak-ka, de ndia nde neni o leo naseti-nalakak-ka ma sala-singok-ka neu. Boema, Au usiheni o meme Au lete malalao-malalafung-nga mai, de ata nusa so'dak manamanea o-a, ana usiheni o meme batu poemata mangadilak sila-la, tala'da mai.

YESKIAL 28:18

Manetualain nafa'da nae, “Hai Tirus, o tao manggenggeo o mamana huhule-haladoim-mala, nanahu nai lelek o mase'o-banasa, o tao salak ma o ta tao tunga ndoon-na fa. Hu ndia de, Au hotuheni o, nalosa o da'di afu nai dae lain. Basa hataholi manamete o-a, lita ka'da afu-a mesak-kana.

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 28:8

Neukose ala tao lakalulutuk o tetu-temam fo, o hapun neme o manatee-tenom, ma o malelam-ma mai ndia. Neukose ala taolisa o, fo latoi-latono o nai tasi dale.

YOEL 3:8

Neukose Au ase'o heni emi anatou-anainam leo Yehuda laun-nala neu, fo neukose lase'o seluk-kasa leo Syeba, nusak fo nai dook-ka nanseli. Au, fo Manetualain, nde manakokolak-ka.

AMOS 1:10

Hu ndia de, neukose Au haitua ha'i-a leo kota Tirus-sa papala-nanadaman-nala neu, fo na'a heni kota musun-nala.”

ZAKHARIA 9:5

Neukose kota Askelon ma kota Gaza litan, fo ala bii-lamata'u. Neukose Ekron nitan boe, de mopo basa namahehenan lala'en-na. Neukose mopo Gaza manen-na, ma neukose Askelon da'di kota nee-nee lino-linok ma kota louk.