au ita Manetualain ata nusa so'dan esa, sa'e ndala pilas esa. Ana hahae neme bafak esa, nai ai murat-tala tala'da. Ndala fe'ek de'ubee, lapadaik lai dean-na, nggelok pilas, nggelok pila kumeak, ma nggelok fulak.
Ndala nggeok-ka hela kaleta natee-natatik-ka, neu leo Babel boboan kii neu. Ndala fulak-ka, neu leo muli neu, ma ndala keke'ak-ka, neu leo nusak manai kona neu.”
Boema hata matabeuk esa seluk da'di nai lalai. Hapu naga pilas esa matuaina nanseli, fo nanuu langak hitu, ma susulak sanahulu. Langan esa soona, ana pake bulamolik esa.
Boema Manetualain Dula Dale na koasa na au, de ata nusa so'dak ndia no au leo mo maloa neu. Nai naa, au ita inak esa nangatuuk nai bana pila balanggeok esa lain, ma ala sulak lahenu ao na ninik na'de nakamumulu-nakamamaek neu Manetualain. Bana ndia langan hitu, ma susulan sanahulu.
