ZAKHARIA 11:1 - Susula Malalaok Hehelu Palak Ma Hehelu Beuk

¹ Hai Libanon, soi heni o lelesum-mala leona, fo ela ha'i na'a heni o ai aras-mala!

ZAKHARIA 11:1 交叉參考

YEREMIA 22:23

Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

YESKIAL 31:3

Mitak, Au akasasamak o, sama leo ai kaiou manai Libanon fo, henuk no ba'e mana'ahiik-kala, ma doon-na, makadotok nanseli; ana moli de deman-na seli, pe'dan-na losa lalai.

HABAKUK 2:17

O lo'o ai nai Libanon nulan dale, de besak ia neukose o nde nanalo'o henik. O taomisa banan-nala, de besak ia, bana-la lakatata'u o. Basa sila-la ala da'di, nanahu kanisak ma tatao-nono'i susue-lalai tak fo o tao basan soaneu nusa-nusak-kala, kota-kota-la ma laun-nala.

HABAKUK 2:8

O bonga basa leoina ba'uk-ka uman-nala so, tehu leoina fo o ta hapu bonga uman-nala fa, neukose ala bonga o umam-ma, nanahu o tao basa kanisak so, ma nanahu o tatao-nono'im, fo ta nanuu dale susue-lalaik ndia neu nusa-nusak-kala, kota-kota-la, ma laun-nala.

HAGAI 1:8

Besak ia, kae leo pupukuk-kala lain meu, fo ho'i ai, fo mafofo'a Au Umang-nga; soona neukose Au daleng-nga loak, ma neukose Au nanasene-do'ok seluk, no eno matetuk. So'ba taoafik neu emi ha'da-tataom!

ZAKHARIA 10:10

Neukose Au o falik-kasa leme Masir ma Asyur mai. Neukose Au fes leo lai sila nusa mesan-na. Au os leo Gilgal ma Libanon leu boe, nalosa sila henu nusak-ka lala'en-na.

ZAKHARIA 11:2

Hai ai daru-la lemin, makaleleu leona, nanahu foi heni kaiou-la so, ai matuaina-la, tu'u leu so. Hai ai matuaina manai Basan-nala lemin, kii leona. Nana, ai manai lasi maloainan-nala dalek, nanalo'o henik so.

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

ULANGAN 32:22

Neukose, Au nasa-melung lua ponu-ponu sama leo ha'i fo na'a losa daebafak-ka buin-na, Ha'i ndia na'aheni daebafak-ka no basa oe-isin lala'en-na, ma na'a losa letek-kala buin-na.