YOSUA 11:4 - Susula Malalaok Hehelu Palak Ma Hehelu Beuk

⁴ Boema manek sila-la mai loo basa solda'dun-nala, makadotok nanseli sama leo solokaek manai tasi su'un-na. Ndala ma kaleta musun-nala boeo, makadotok nanseli.

YOSUA 11:4 交叉參考

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

KEJADIAN 32:12

Mafandendelek te, Manetualain helu basa, nae neukose Amak-ka ito-ato basa hata lala'en-na no malole soaneu au, ma Amak-ka fe au tititi-nonosik makadotok. Ta hapu hataholi esa boen, hapu leke-nala fan, nanahu dede'un-na sama leo solokaek manai tasi su'un-na.”

2 SEMUEL 17:11

Hu ndia de, au nanoli-nafa'dang leoiak: Maloo makabubua basa hataholi Israel-la leme basa nusak-ka lala'en-na mai, fo ela dede'un-na, de'u solokaek manai tasi su'un-na. Boema, Ama Manek nde nauli-nalangas leo natee-natatik dale leus.

1RAJA-RAJA 4:20

Laun Yehuda ma Israel dede'u na sama leo solokaek manai tasi su'u na. Sila nana'a nininun dai boema so'da nala malole.

MAZMUR 20:8

Hapu hataholi fo nasalai dean-na neu kaleta musun-nala, ma hapu nggelok lasalai dean-na neu ndalan-na. Tehu ita tasalai ita dean-na neu Amak fo ita Manetualain-na koasan-na.

YOSUA 11:5

Basa manek sila lakabubua, de basa-basas mai ofu deka loo Lee anak Merom-ma, fo ala sapu-la Israel.

HAKIM-HAKIM 7:12

Nai bafak ndia dalek, hataholi Midian, Amalek ma hataholi fe'ek-kala leme moo solokaek-ka mai, lakapepela su'di lai mamanak lala'en-na. Metes soona, sama leo lamak-kala lakamomotu. Sila ontan-nala makadotok nanseli, sama leo solokaek manai tasi su'uk-ka.

SEMUEL SUSULAK-KA ESAN-NA 13:5

Ndia te, hataholi Filistin-nala boeo lakabubua basa fo sapu-la hataholi Israel-la; sila solda'dun manasa'e kaleta lifun teluhulu solda'du manasa'e ndala lifun nee, ma solda'du-anak de'u solokaek manai tasi su'un-na. Ala ofu nai Mikhmas, fo nai Bet-Awen boboan dulu.