YOHANIS 9:7 - Susula Malalaok Hehelu Palak Ma Hehelu Beuk

⁷ ma nafa'dan nae, “Mu leona, fo safe o mata panam nai Lifu Siloa ma.” (Siloam ndia, sosoa na nae, ‘Nananadenuk’.) Boema hataholi ndia neu safe mata panan leona. Ana safe basan de ana fali ma'in te, nita so.

YOHANIS 9:7 交叉參考

MAZMUR 146:8

ma Ana tao-na hataholi pokek-kala lita, Ana hela nafofo'a hataholi manatu'uk-ka, ma Ana sue-lai hataholi manatao tunga ndoon-na.

KELUARAN 4:11

Manetualain nafa'dan nae, “See kande, fe hataholi daebafak-ka bafak? See kande, tao-na hataholi ndia hala taak, do pakek? See kande, tao-na hataholi ndia nita, do poken? Ade ta Au, fo Manetualain fa do?

YESAYA 32:3

Hataholi fo, ana hapu nita, neukose ta nasunguk matan-na fa, ma hataholi fo ana hapu namanene, neukose ana taoafik.

YESAYA 35:5

Nai lelek ndia, hataholi pokek-ka, neukose nita, ma hataholi pakek-ka, neukose namanene.

YESAYA 42:7

Soaneu fe hataholi pokek-ka nita, ma soi-po'i hataholi manai bui makahatuk-ka dalek.

YESAYA 43:8

Manetualain nafa'da nae, “Madenu Au leoinang, fo leomae lanuu matak, tehu pokek-kala fo leu leo mata leu; fo pakek-kala, leomae lanuu di'idook.

YESAYA 8:6

nae, “Leoina ia, ta nau sipok Leeanak Syiloah oen fo mananee-nee lino-lino ndia fa, ma dalen-na nahiik no Mane Rezin ma Mane Pekah.

MATEOS 11:5

Hataholi poke kala lita, hataholi lu'u kala la'ok, hataholi he'di lou mangalau kala lea-hai; hataholi pake kala lamanene, hataholi mate sala laso'da falik, ma Manetualain Hala Malole na, nanatui-bengak neu hataholi nuu taa-hata ta kala.

LUKAS 13:4

Tao leo beek boe no hataholi kasanahulu faluk fo manamatek leme Siloa ma, nai lelek fo uma ndia puni madema na napaluni nalas? Emi maedaenga ndia da'di natutu'duk esa nae, hataholi sila la masala-masingok lenaheni basa hataholi fe'ek fo manaleo leme Yerusalem ma do?

LUKAS 2:32

sama leo mangale'dok fo nangale'do na eno ka ba'eneu leoina fe'e kala, soaneu ala mai leu O; fo nde mangale'dok manini ha'da-holomata ba'eneu O hataholi kamahehele mala fo Israel.”

YOHANIS 10:36

naa, tao le'e de emi mafa'da mae, Au akamumulu-akamamaek Manetualain, hu ka nde Au afa'da ae, Manetualain Anan Au? Te see ko na, Manetualain nde hele Au de nadenu Au mai leo daebafa ka mai.

YOHANIS 11:37

Tehu nggelok soona lae, “Ana tao na hataholi poke kala lita, ma tao le'e de, Ana ta hapu kena-ka'i na mamate sa fo daenga boso mate Lasarus fa?”

YOHANIS 9:11

Boema nae, “Hataholi fo mana'de Yesus ndia, Ana sese'dok na tane faa anak de Ana losen neu au mata nga. Basa ndia boema, nafa'da au nae, ‘Muu leona, fo safe o mata panam nai Lifu Siloa ma.’ Boema au la'o leona. Au u de au safe basa au mata panang tutika au ita.”

YOHANIS 9:39

Boema Yesus nafa'dan nae, “Au mai leo daebafa ka mai, fo Au aketu-ala'di, fo ela hataholi poke kala hapu lita, ma hataholi mananita kala pokes.”

HATAHOLI 26:18

fo tao ma mata nala lalaak, fo daenga ala kalua leme makahatuk dale leo mangale'do ka dalek, ma latapo'i leme Nitu dudungu-papaun mai, fo ela Manetualain koasa nalas. Fo no namahehelek neu Au ndia, Au fe do'o do ampon neu sala-singo nala, fo ala da'di Manetualain hataholi kamahehele nanahelek.’ ”

ROMA 8:3

Hata fo agama hoholo-lalanen ta hapu tao nala fan, hu ka nde ita hataholi daebafa ka tapandoe na, Manetualain tao basan so. Manetualain sengi sala-singo ka koasa na nai hataholi daebafa ka ha'da-tatao na dalek, ninik Ana haitua Ana na mai no heheo-hihilun sama na leo hataholi daebafa masala-masingo ka, fo Ana kokaheni sala-singo ka.

GALATIA 4:4

Tehu losa fai na nandaa te, Manetualain nadenu Ana na mai leo daebafa ka mai. Inak esa naso'da nai agama hoholo-lalanen dalek, nde bongi ni'iana ndia.