YOHANIS 13:3 - Susula Malalaok Hehelu Palak Ma Hehelu Beuk

³ Yesus bubuluk basa, Ama ka fe basan koasa lala'ena so. Boeo Ana bubuluk basa, Ana mai neme Manetualain mai, ma neukose Ana fali seluk leo Manetualain neu.

YOHANIS 13:3 交叉參考

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 17:2

Ama ka fen koasa fo Ana koasa basa hataholi daebafa ka lala'ena, fo ela Ana ka fe maso'da matetu ka ma manaketu basa ta ka neu basa hataholi fo Ama ka fen neu Au a.

YOHANIS 3:13

Ta hapu hataholi esa, ana kae leo nusa so'da ka neu boen, ka'da ka Ndia fo manakona leo daebafa ka mai, fo nde Ana Hataholi ka.

YOHANIS 3:35

Ama ka sue-lai Ana na, de Ana fen basa koasa lala'ena.

YOHANIS 7:29

Au alelak Hataholi ndia, nana Au da'di eme Hataholi ndia mai, de Hataholi ndia nde nadenu Au a.”

YOHANIS 7:33

Boema Yesus nafa'da hataholi makadotok manai Manetualain Uman dale la nae, “Au bei akabubua o emi, ka'da ba'ihanak mesa kana. Te basa ndia soona, neukose Au fali leo Ndia fo manamadenu Au a.

YOHANIS 8:14

Boema Yesus nafa'das nae, “Leomae Au sakasii seluk Au aoina nga o, Au sakasiing ndia la'en, nana Au bubuluk, Au mai eme bee mai, ma Au u leo bee u. Tehu emi ta bubuluk au mai eme bee mai, ma au u leo bee u fa.

YOHANIS 8:42

Boema Yesus nafa'das nae, “Leo uni ka emi amam nde Manetualain ndia soona, neukose emi sue-lai Au, nanahu Au mai eme Manetualain mai. Au mamaing ia, Au ta uni Au hihii-nanau mesa nga fa, te au uni Ndia fo manamadenu Au a, hihii-nanaun.

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

1 KORINTUS 15:27

Nai Susula Malalaok dale, nanasulak nae leo ia, “Manetualain tao na basa hata lala'ena lakatele leun so”. Dede'ak fo nae “basa hata lala'ena”, ndia sosoa-ndandaan nde, ta leke Manetualain fo manatao na basa hata lala'ena ndia, lakatele neu Kristus.

IBRANI 1:2

Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.