YOHANIS 10:6 - Susula Malalaok Hehelu Palak Ma Hehelu Beuk

⁶ Yesus tui nakandandaak ndia, tehu ala ta lalelak Yesus dudu'a na leo beek fa.

YOHANIS 10:6 交叉參考

MAZMUR 106:7

Lelek ami bei-ba'i kaim-mala leme Masir-ra, ala ta lalelak fa; ala ta lalelak O tatao-nono'i matuainam-ma, sosoa-ndandaan fa. Ala lafandele heni, O susue-lalaim fo, manasasi kao-kaok-ka, ma ala la'ban Manetualain Fo Mademaina paletan-na, nai deka no Tasi Gelagah.

MAZMUR 82:5

Emi ta bubuluk hata-hata fa, nggoak ma matofa-matalak, hu kande emi, de nalutu ha'da nggolok-ka.

AMSAL 28:5

Hataholi malelesik-ka, ta nalelak natalolole ndoos ma matetuk-ka fa, tehu hataholi fo, ana sene-do'ok neu Manetualain-na, te'e-te'e nalelak-kana.

YESAYA 56:11

Sila sama leo busa maa fula, fo ta nakabete nita fa. Mauli-malangan sila-la nggoak-kala. Esa-esak tao tunga dale hihii-nanau mesan-na, ma ana sanga ndia nanalan-na, mesak-kana.

DANIAL 12:10

Neukose hataholi ba'uk-ka nanaso'bak ma nanatao neuisik. Sila fo manatao tatao-nono'i mangalauk-ka, neukose ta lalelak ma ala tao tatao-nono'i mangalauk lakandoo; ka'da sila fo manatee-tenok-kala nde neukose lalelak.

MATEOS 13:34

Yesus nanoli basa sila la neu hataholi makadoto kala, ninik nakandandaak.

MATEOS 13:51

Boema Yesus natanes nae, “Ade emi malelak basa dede'ak sila la do ta?” Lataa lae, “Ami malela basan so Ama!”

MARKUS 4:34

Makanaema Yesus nanoli hataholi sila la soona, nanoli ninik nakandandaak nakandoo. Tehu makanaema no ana mana tunga nala mesa kasa soona, nafada basa sila la no mangalele'dok.

YOHANIS 16:25

“Au afa'da basa ia la neu emi ninik nakandandaak. Tehu neukose fai na losa te, Au ta pake nakandandaak so'on, Au kokolak o emi no mangale'dok la'eneu Ama ka.

YOHANIS 16:29

Boema Yesus ana manatunga nala lafa'dan lae, “Besak ia, Manetualain kokolak no mangale'dok te ta pake nakandandaak so'on,

YOHANIS 6:52

Hataholi Yahudi la lamanene dede'ak ndia boema, esa nale'a no esa. Lae, “Eno na tao leo beek, de hataholi ia nae, Ana fe ao paa na fo ita ta'an?”

YOHANIS 6:60

Lamanene Yesus dede'a-kokolan sila la boema, Yesus ana manatunga makadoto nala lae, “Nanolik ia bela na seli. See ka nde nalelak nanolik ndia!”

YOHANIS 7:36

Ana dudu'a tao leo beek de nalosa nae, neukose ita sangan, tehu ita ta hapu tatongo to fan, ma nae, neu leo mamana ka neu a, ita ta hapu teu leo mamanak ndia teu fa?”

YOHANIS 8:27

Tehu ala beita bubuluk Yesus kokolak nos la'eneu Ama ka nde ndia fa.

YOHANIS 8:43

Hu bek de, emi ta malelak Au nanoli-nafa'dang fa? Hu ka nde emi ta makataka mamanene Au nanoli-nafa'dang fa.

1 KORINTUS 2:14

Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

2 PETRUS 2:22

Hataholi sila tatao-nono'in, natetu-nandaa no dede'a lasi ka nae, “Neukose busa na'a seluk muta na”, ma “Ladiu basa bafi oe so, tehu neukose neu loli seluk nai tane dale.”

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.