YOHANIS 1:1 - Susula Malalaok Hehelu Palak Ma Hehelu Beuk

¹ Nai makasososa na, fo daebafa ka beita da'di fa te, dede'a kokola ka nai ndia so. Dede'a kokola ka nakabubua no Manetualain. Ma dede'a kokola ka sama no Manetualain.

YOHANIS 1:1 交叉參考

KEJADIAN 1:1

Nai makasososa oe-oen-na, fo nai lelek Manetualain mulai nakadada'dik lalai-a, ma daebafak-ka,

MAZMUR 45:6

O kou-kou isi matanem-ma, ana tola o musum-ma bade'en-na, leoina-na tu'u leu nai o ei tata'bu daem-ma.

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

MATEOS 1:23

“Ana fe'oana mata tema esa, neukose nailu fo ana bongi na ni'iana touanak esa. Ala foi ni'iana ndia na'de, Imanuel.” Imanuel ndia, metema tunga dede'a Ibrani soona sosoa na nae, “Manetualain no ita”.

LUKAS 24:53

boema ala koa-kio lakandoo Manetualain nai Manetualain Uman.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 1:18

Beita la'iesa boen fo hataholi hapu nita Manetualain, ka'da Ama ka Ana kisa na mesa kana, fo sama leo Ama ka, boema Ana da'di esa no Ama ka. Ndia nde natu'du Ama ka neu ita.

YOHANIS 1:2

Neme makasososan mai a, dede'a kokola ka nakabubua no Manetualain.

YOHANIS 16:28

Memak Au da'di eme Ama ka mai, de Au mai leo daebafa ka mai so. Tehu besak ia, Au la'oela daebafa ka, fo Au fali leo Ama ka u.”

YOHANIS 17:5

Amak! Mamatutua-mamadedema Au besak ia leona soaneu Ama ka, ninik matua-madema fo Au o Ama ka manuun, te daebafak ia beita nananakadada'dik fa.

YOHANIS 20:28

Boema Tomas nafa'da Yesus nae, “Au Lamatua nga ma au Manetualai nga!”

YOHANIS 8:58

Tehu Yesus nafa'das nae, “Te'e-te'e Au afa'da emi te: beita bongi Abraham boe te, hapu Au so.”

ROMA 9:5

Sila nde bee na, ita bei-ba'ikai nala, tititi-nonosin. Tunga ao paak soona, Kristus da'di neme sila leoina mai. Kristus dema lenaheni basa-basas. Koa-kio Manetualain losa dodoo na! Amin.

EFESUS 3:9

ma boeo, fo ela tunga au fo, basa hataholi la bubuluk, tao leo beek de Manetualain fo mana makadada'dik lalai a no daebafa maloa ia, Ana tao-no'i dale tutu'un fo, neme makahulun eli mai a, nananafunik soaneu daebafa ka.

FILIPI 2:6

Tunga matetu na soona, Yesus sama leo Manetualain, tehu leomae leondiak boe, Ana ta name'da nae, heheo-hihilun ma ha'da-tataon fo sama leo Manetualain ndia, muse Ana ho'u nahele fan.

KOLOSE 1:15

Kristus nde bee na Manetualai naoina na dula mangale'don fo nananita tak, Kristus nde bee na ana uluk, fo lena heni basa hata nananaka da'dik lalae'na.

KOLOSE 1:17

Basa hata lala'ena beita da'di fa te, Kristus da'di nakahuluk so. Ma hu ka nde de, basa hata lala'e na, esa-esak neu mamana na.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

TITUS 2:13

Besak ia, ita beitahani Faik fo ita tamahehenak ndia; Neu Faik ndia te, neukose daebafa ka nita Yesus Kristus matua-mademan, fo nde Manetualain fo Matua Madema, ma ita Mane Mana soi-mana tefa na.

IBRANI 13:8

Yesus Kristus sama nahele, nau makahulu na, besak ia, ma losa dodoo na.

IBRANI 7:3

La'eneu Melkisedek ia, ta hapu tutui mangale'dok nai bee a boen, nae nanuu ina amak, do bei-ba'ik; ta hapu tutui mangale'dok boen la'eneu, bobongi na do mamate na fa. Melkisedek ia, sama leo Manetualain Anan, fo nde ana da'di imam losa dodoo na.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

1 YOHANIS 5:7

Hapu sakasii telu:

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:17

Lelek au itan boema, au bala u mata na nono'kabai hataholi manamate ka. Tehu Ana fua lima kona na neu au lain boema nae, “Boso bii! Au nde makasososak ma mate'ek.

NINITAK 1:2

Boema Yohanis tui basa hata fo nitan ndia. Ma ia nde hala nafafa'dak la'eneu hala heheleuk maneme Manetualain mai, fo Yesus Kristus natetea-nahehelen tunga sakasii na.

NINITAK 1:8

Manetualain nae, “Au nde Alfa ma Omega, fo makasososak ma fo mate'ek”. Au nde Manetualain fo manakoasa, fo nai ia, ma nai ia so, boema nai ia nakandondoo henin.

NINITAK 19:13

Ana pake ba'du manalu a, nanabolo basak nai daak dale so. Ma loken soona lae, “Manetualain Dede'a-Kokolan.”

NINITAK 2:8

“Neu ata nusa so'da salanik manai Smirna la, sulakman leoiak: Ia nde hala heheluk neme Ndia fo makasososak ma mate'ek – fo manamate basak ma naso'da falik.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:13

Au nde Alfa ma Omega fo makasososak ma mate'ek; Au nde Lamatuak neme makahulu na losa makabui na.”

NINITAK 3:14

“Neu ata nusa so'da salanik manai Laodikia la sulakman leoiak: Ia nde hala heheluk neme Ndia fo loken lae Amin, sakasii fo mana lilinekak ma ndoos, oemata basa hata lala'ena fo nananakadada'dik neme Manetualain mai.