YAKOBIS 3:5 - Susula Malalaok Hehelu Palak Ma Hehelu Beuk

⁵ Leondiak boe, no ita maa na; leomae ita maa na baba'uana na nde ndia, tehu ana hapu tao na ao paa ka, koao ninik dede'a matua ina la. Dodoo su'di kana dei te, nula matua ina, ha'i na'a henin nana, hu ka nde ka'da ha'i kaa anak esa.

YAKOBIS 3:5 交叉參考

AYUB 22:17

Hataholi sila nde, lapalani tipa heni Ndia Fo Manakoasa, ma laedaenga, Ana ta taos le'e esa boen.

MAZMUR 10:3

Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

MAZMUR 17:10

ala ta lanuu dale kasian fa de ala kokolak no koao-ndaeaok.

MAZMUR 39:1

Soaneu mauli-malanga nakameek-ka. Dauk kokoa-kikiok. Soaneu Yedutun.

KELUARAN 15:9

Musu nafa'da nae, ‘Neukose au usis, fo au ho'u-alas, au fe'a au tafainang-nga, de au ta'ti isas. Boema au loso-a hata-heto-nala, au baba'en, fo au u'a-paken losa au doa-henin.’

KELUARAN 5:2

Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

AMSAL 12:18

Kokola huu-pe'da taak-ka, bisa nakahehe'dik hataholi dalen, sama leo tafaina paun; tehu dede'a-kokolak manatee-tenok-ka, nono'kabai mo'do-akidook fo nakahahaik.

AMSAL 15:2

Hataholi manatee-tenok-ka maan-na, kalua malelak; tehu hataholi dudu'a-aafi taak-ka, bafan-na kalua dede'a-kokola nggoak.

AMSAL 18:21

Maak-ka nanuu koasa soaneu soi-tefa-na so'dak-ka, do tao nalutun; hataholi-a muse lu'a-lepa-na, hala-kokolan neninin-na.

AMSAL 26:20

Metema, basa ai-a soona, mate ha'i-a; metema, touk do ina bafa manasodaik-ka, taak-ka soona, nale'a-napilik-ka hahae.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YESKIAL 28:2

“Hai hataholi daebafak fo, manasapu-manalalok-konei, mafa'da mane Tirus-sa, hata fo Au, Manetualain Fo Mademaina nafa'da neun, ‘No koao-ndaeaok, o mafa'da mae o nde been-na lamatua daebafak, fo o mangatuuk nai kandela manek-ka, nai tasi-a tala'da heon. O bole tao o aoinam-ma, da'di leo lamatua daebafak, tehu mafandendelek leona te, o ka'da hataholi daebafak biasa mesak-kana.

YESKIAL 29:3

Manetualain Fo Mademaina, nafa'da au nae, mafa'da mane Masir-ra, hala heheluk-ka nde ia nae, “O musum-ma nde Au ia, hai beis matuaina, fo o makandondoo nai lee-a tala'da. O malame'i mae Lee Nil-la nde been-na, o nuum ndia, ma o mae, o nde taolee ndia.

DANIAL 3:15

Na, besak ia, metema musik-kala lalii soona, emi nau sene-do'ok neu dodoki-dudulak ndia do ta? Metema emi ta nau fa soona, neukose tapa emi leo ha'i manafolokakaak dale meu tu'tik. Fo lamatua daebafak bee kande, neukose napalani soi-tefa-nala emi neme au koasang-nga mai?”

DANIAL 4:30

boema au afa'da ae, “Mitak, kota Babel-la anseli! Au nde afofo'an da'di nusaina ia polon-na, fo ana da'di buti neu au koasang-nga, ma au be'i-balakaing, au mandela-masa'ang ma au matua-mademang!”

YAKOBIS 3:4

Ho'i nakandandaak neme ofa ka mai. Leomae ofak ndia ba'una seli, boema ani matua ina lepa ninin, tehu uli a baba'u ana na nde ndia boeo, ana hapu nauli ninin, fo ana tunga mana ho'u uli a, hihii na.

2 PETRUS 2:18

Ala kokolak no bafa maloa, tehu louk; boema hu no sila mata mana koteo nala de, ala tao latu'da hataholi fo besa ka, ala kalua leme hataholi mana la'ok sala eno kala dalek mai.

YUDAS 1:16

Hataholi sila la, ka'da bemumu tataas esa, ma ala fe salak neu hataholi fe'ek. Laso'da tunga ka'da sila hihii-nanau masala-masingo nala. Lamatutua-lamadedema ao ina nala, boema ala koa-kio hataholi, fo daenga ala hapu nanalak.