NINITAK 9:4 - Susula Malalaok Hehelu Palak Ma Hehelu Beuk

⁴ Ala ka'is fo boso tao lalutu na'u do ai la do bubu'u palusa fe'e kala. Sila ka'da bole leu sapu la hataholi fo nai dedei na ta hapu ta'du-tana segel neme Manetualain mai.

NINITAK 9:4 交叉參考

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

AYUB 1:12

Boema Manetualain nafa'da nitu-a nae, “Basa Ayub su'i-beten lala'en-na, nai o koasam dale, sa'di boso tao mahe'di aopaan-na!” Boema nitu-a la'o neme Manetualain matan-na mai.

AYUB 2:6

Boema, Manetualain nafa'da Nitu-a nae, “Hei, taon tunga o dale hihiim-ma leo sa'di boso taomisan.”

MAZMUR 76:10

Lelek O fo'a mapadeik fo O sanga maketu-mala'di, fo soi-tefa-mala hataholi nanatuni-ndenik manai daebafak-ka.

KELUARAN 12:23

Nai lelek Manetualain, la'ok okofeo nusak ia, fo Ana taonisa hataholi Masir-ra, neukose Manetualain nita daak manai emi umam-ma lelesun-na diin duas, ma nai netes manai lelesu-a lain; soona neukose, Ana la'ok nakandoo, ma Ana ta fe Ata nusa so'dak fo maneni Mamates-sa loak ana masok emi umam-ma, fo ana taonisa emi fa.

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YESKIAL 9:6

Taomisa la'iesak touk-kala, inak-kala, lasik ma mulik, inalasik, toulasik ma ni'iana Tehu hataholi manapake ta'du-tana nai dedein-na, boso koila'e esa boen. Mulain neme ia mai leona, neme Au Umang ia mai.” Boema, ala mulai lakalala'ok sila bela-ba'un, nenik ala taolisa basa mauli-malangan fo, manamapadeik manai Manetualain Uman-na.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

NINITAK 14:1

Basa ndia de au mete boema nono'ka bai Bi'ilopo Ana ndia napadeik nai Lete Sion lain. Bi'ilopo Ana ndia sama-sama no hataholi lifun natun esa hahuluha. Bi'ilopo Ana ndia no Aman na'de nala nanasulak nai hataholi sila la esa-esak dedei na.

NINITAK 6:6

Ma au amanene hata esa nenenen sama leo hala ka nalo bou-bou neme mahahae kahak sila la tala'da mai. Halak ndia nae “Gandum malole litel esa beli na ba'u ngga'di faik esa, ma gandum matafe'ek litel telu, beli na ba'u ngga'di faik esa boe. Tehu boso tao malutu ai zetun nala ma osi ango la!”

NINITAK 7:1

Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.

NINITAK 8:7

Ata nusa so'da makasososa ka ana puu pupuu na boema, u'da eis ma ha'i sese'dok no daak, ala tu'da lakamiu leo daebafa ka mai. Boema ha'i na'a naputu daebafa ka baba'ek esa neme baba'ek telu. Leondiak boe ai la ma na'u manamomo'do kala ha'i na'a naputu baba'ek esa neme baba'ek telu.