NINITAK 3:14 - Susula Malalaok Hehelu Palak Ma Hehelu Beuk

¹⁴ “Neu ata nusa so'da salanik manai Laodikia la sulakman leoiak: Ia nde hala heheluk neme Ndia fo loken lae Amin, sakasii fo mana lilinekak ma ndoos, oemata basa hata lala'ena fo nananakadada'dik neme Manetualain mai.

NINITAK 3:14 交叉參考

KEJADIAN 49:3

Ruben, fo au ana ulung-nga, o nde au be'i-balakaing, boa sosak fo au palani tatibatung-nga, O nde ao makadelek, ma mabe'i-balakai manituk nai basa au anang-ngala dalek.

AMSAL 14:5

Sakasii fo manatao tunga ndoon-na, kokolak dede'a tete'ek tataas esa, tehu sakasii fo ta hapu namahele fan-na, nasapepeko-nasandandali tataas esa.

AMSAL 8:22

Manetualain nakadada'dik au da'di leo makasososak, au nde been-na lima tatan-na buna-boa makasososan-na fo nai lelek makahulun eli.

YESAYA 55:4

Te'e-te'e, Au taon da'di mauli-malangan, ma malanga solda'du matuaina sakasii neme Au koasang-nga mai, soaneu leoinak-kala.

YESAYA 65:16

Basa hataholi mananoke baba'e-papalak manai nusak ndia, neukose noke Manetualain fo, manalilinekak-ka, fen baba'e-papalak. Basa hataholi fo, ala nau soo-supa, neukose ala soo-supa lenik Manetualain fo, manalilinekak-ka, na'den-na. Nana makahulun-na doidosok-ka, mopon de nananafandele henik so.”

YEREMIA 42:5

Ala lafa'da neu au lae, “Emi mokeama hule-haladoi neu ita Aman Manetualain-na, nanahu ami nau mamahele neun, fo ela ami heheo-hihilum-ma da'di malole. Da'di Manetualain hala haituan-na malole do mangalauk ndia boeo neukose ami tungan. Nemen-na fo Manetualain da'di sakasii fo ndos ma matetuk ma manalilinekak ba'eneu ami, metema ami ta nau tunga la'iesak paleta fo Manetualain fen neu ami tunga ama fa.”

YOHANIS 1:3

Basa hata lala'e na, nananakadada'dik tunga Ndia, ma neme basa hata manada'dik lala'e na, ta hapu hata esa boen, fo ana da'di ta no Ndia fa.

YOHANIS 8:14

Boema Yesus nafa'das nae, “Leomae Au sakasii seluk Au aoina nga o, Au sakasiing ndia la'en, nana Au bubuluk, Au mai eme bee mai, ma Au u leo bee u. Tehu emi ta bubuluk au mai eme bee mai, ma au u leo bee u fa.

2 KORINTUS 1:20

Nana tunga Ndia, de Manetualain nafa'da basa nae, “Hei” neu basa hala hehelu na. Hu ndia de, ita tafa'da tae, “Amin” neu Manetualain, hu ka nde Yesus Kristus. Ami tao leondiak, fo ela Manetualain nanakoa-kiok.

ULANGAN 21:17

Ana muse ba'e hata-heton, fo ana fe baba'ek dua leo ana uluk-ka neu, leomae ana uluk ndia, saoina susuen-na, anan ta ndia fa. Tunga nakeketuk-ka, de aman muse tao natetu, ana uluk-ka baba'en-na, de ana muse fe baba'e ana uluk-ka leo ni'iana ndia neu.”

KOLOSE 1:15

Kristus nde bee na Manetualai naoina na dula mangale'don fo nananita tak, Kristus nde bee na ana uluk, fo lena heni basa hata nananaka da'dik lalae'na.

KOLOSE 1:18

Kristus nde da'di langak neu ao ka, fo aok ndia salani kala, nanahu Kristus nde da'di salani kala oe mata maso'da na. Ndia nde hataholi makasososak fo Ana fo'a falik neme mamate sa mai, fo sue ka Ndia nde nananita nalelak neme basa hata lala'e na mai.

KOLOSE 2:1

Au nau emi bubuluk, tao leo bee de au puse laipana anseli soaneu emi ma soaneu sila fo manai Laodikia la, boema soaneu hataholi fo beita lalelak matalolole au fa.

KOLOSE 4:16

Emi lees basa susulak ia soona, sanga enok fo, tolanoo kamahehelek manai Laodikia la, ala lees susulak ia boe. Leondiak boeo, emi muse lees matam susulak fo, ala haitua fe emi neme Laodikia mai a.

NINITAK 1:11

Halak ndia nae, “Sulak-ma hata fo o mita ka fo haitua susulak ndia leo salani kahituk manai Efesus, Smirna, Pergamus, Tiatira, Sardis, Filadelfia, ma Laodikia.”

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.

NINITAK 2:1

“Neu ata nusa so'dak salanik manai Efesu sala, sulakman leoiak: Ia nde hala heheluk neme Ndia fo manaho'u nduu kahitu kala nai lima kona na, ma manala'ok manai banu ei lilopila kahituk sila la tala'da.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:13

Au nde Alfa ma Omega fo makasososak ma mate'ek; Au nde Lamatuak neme makahulu na losa makabui na.”

NINITAK 22:6

Boema ata nusa so'dak ndia nafa'da au nae, “Dede'ak ia la tete'e ka ma hapu nananamahelek. Amak Manetualain fo manafe Dula Dale na neu nabi la, nadenu basa ata nusa so'da na soaneu natu'du ata nala hata fo no lai-laik muse ana da'di.”

NINITAK 3:7

“Neu ata nusa so'da salanik manai Filadelfia la sulakman leoiak: Ia nde halak heheluk neme Ndia fo malalaok ma matetuk. Ndia nde ho'u Dauk nggoe na. Metema Ana soi lelesu soona, ta hapu hataholi esa boen hapu kena fan, ma metema Ana kenan soona, ta hapu hataholi esa boen hapu soin fan.