NINITAK 19:17 - Susula Malalaok Hehelu Palak Ma Hehelu Beuk
17 Boema au ita ata nusa so'dak esa napadeik nai le'do lain. Nalo bou-bou napane'e neu basa manupui manalaa nai lalai la nae, “Mai makabubua leona, soaneu tunga feta matua fo Manetualain tao ka!
Tehu neukose, Manetualain fe soe-a mai, neu kota ndia, nalosa hataholi-a nakadii-nakau ma nahoo. Basa kota lala'en-na, nalupa leo mei tunu-hotuk fo, nadiu daak.
Sila sama leo manupui fo manupui langafula sapu nas leme basa bu'u-bolok lala'en-na mai. Malo basa bana fuik lala'en-na soaneu tao mabasa la'i esak-kasa.
Boema au ita ata nusa so'da fe'ek esa ana laa dema na seli nai lalai. Ata nusa so'dak ndia nini halak la'eneu Hala Malole fo matea-mahelek soaneu nanananduku-nalosa kana neu hataholi manai daebafa ka, fo nde neu basa leoina, leoanak, dede'ak, ma nusaina la.
Boema ala taolisa sila solda'du nala ninik tafaina manakaluak neme manasa'e ndala fulak ndia bafa na mai. Boema manupui la mai de lamoa hataholi nanataonisa kala ao isi nala.
Boema au mete ita manupui kaka'ka esa ana bei laa dema na seli nai lalai, nalo bou-bou nae, “Soe, Soe, Soe ba'eneu basa hataholi manai daebafa ka, metema lamanene ata nusa so'da katelu fe'e kala, mahani te ala puu pupuu nala!”
