NINITAK 18:4 - Susula Malalaok Hehelu Palak Ma Hehelu Beuk

⁴ Boema au amanene hala fe'ek esa neme nusa so'da ka mai nae, “Kalua leona, Au hataholi kamahehele ngala lemin! Kalua meme dalek mai leona! Emi boso tunga sala-singo nala, ma boso tunga lu'a-lepa huhuku na!

NINITAK 18:4 交叉參考

KEJADIAN 19:14

Boema, Lot neu leo anan duas faren-nala neu, de nafa'das nae, “Lai-lai kalua meme mamanak ia mai leona, nana neukose Manetualain tao nakalulutuk kota ia.” Tehu, laedaenga, Lot ka'da nakasoe ndia.

MAZMUR 50:18

Metema o mita hataholi nakodaa esa soona, o tunga moon, ma o leo-mapalasa moo hataholi manahohongek-kala.

YESAYA 48:20

La'o leona, fo malai meme Babel mai, tui-benga halak ia, leo basa mamanak lala'en-na neu. Tui-benga no namahoko-seteleek mae: “Manetualain soi-tefa basa Israel, fo atan-na so!

YESAYA 52:11

Muu leona! La'oela kota Babel-la, hai emi fo, manaho'i meni Manetualain uman-na, lou-lan! Boso koila'e buas fo, manggenggeok: emi beita la'o fa te, tao malalao-malalafu emi aoinam-ma.

YEREMIA 50:8

Hei Au anang Israel, malai meme Babel leo! O mu makahuluk fo besak-ka nggelok tunga.

YEREMIA 51:45

Hu ndia de malai neme ndia leo, hei Au anang Israel! Soi-ma o sala-singong neme Au nasa-melung-nga mai.

YEREMIA 51:50

Manetualain kokolak neu hataholi Israel fo manai Babel nae, “Emi kalua neme kanisak-ka mai so! Besak ia meu leo! Boso mahani! Leomae emi dook-ka neme uma, mafandele neu Au, emi Manetualain, ma neu Yerusalem.

YEREMIA 51:6

Tulu fali ma aopaam-ma! Hu ka nde losa fain-na so fo balas Babel mangalaun-na, ma hukus tunga sila tatao-nono'in-na.

YEREMIA 51:9

Hataholi manamai fo malaeo nai na-la esa kokolak neu esa, ‘Neukose ita tulu-fali Babel, tehu ta bisa fa! Matetuk Malole lenak ita la'o ela nusak ndia fo fali leo ita nusa-na neu, Manetualain fe huhukuk matuaina neu Babel ma ana tao nakalulutuk la'iesak.’ ”

MATEOS 23:30

Boema emi mafa'da mae, ‘Leo uni ka ami maso'da ndek lelek ami bei-ba'i kai makahulun eli la soona, ami ta tunga mos fo taomisa nabi la fa.’

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

1 TIMOTIUS 5:22

Boso no lai-laik, o lalaa o lima ma neu hataholi esa langan lain, fo so'un da'di Lamatua ka malalau-maoonon. Metema hataholi fe'ek tao sala-singok soona, boso muu sese'dok nai sala-singok ndia dalek. Manea o ao ina ma fo ela malalaok nahele.

2 YOHANIS 1:11

Nana, see nate'a hataholi matak leondia ka soona, ana tunga hataholi ndia, fo duas tu'da leo tatao-nono'i mangalauk ndia dalek leu.