NINITAK 18:11 - Susula Malalaok Hehelu Palak Ma Hehelu Beuk

¹¹ Basa manadangan manai daebafa kala boeo, ala kii-makaleleu ma ala falu, hu ka nde inak ndia, nana ta hapu seluk hataholi esa boen asa sila buadanga nala so'on.

NINITAK 18:11 交叉參考

AMSAL 3:14

Nanalan-na ba'u lena heni, hata fo ana hapun neme lilofulak-ka mai, ma belin-na lena heni lilopilas-sa.

YESAYA 13:19

Neme basa nusak lala'en-na mai, Babel ndia nde mana'ahiik nanseli, ma ana da'di namatutua dalek ba'eneu laun-nala. Tehu Au, fo Manetualain, neukose tao akalulutuk-kana, sama leo Au tao Sodom ma Gomora.

YESAYA 47:15

Basa manasiula-tongonok-kala, sosoa-ndandaan nde ndia, ba'eneu o fo manataon-na o langam-ma dila, neme tepo lelek o bei anam-ma; esa-esak la'oela o; ta hapu manatulu-fali soaneu o fa.”

YESKIAL 27:9

Tuka ai manatao-no'i manai ofak lain-na nde been-na, tuka ai-la leme Gebal mai. Ofak-kala, ala mai leme nusa-nusak lala'en-na mai, fo ala sanga dangan loo o.

ZEFANYA 1:11

Kii-makaleleuk nai faik fo emi mamanene dede'ak ndia, hai laun fo manaleo manai kota boboan dae. Nana, basa manadangan-nala, ma hataholi makatotonak doik-kala, nanataonisak so!

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

MATEOS 22:5

Tehu hataholi nanaka'ik sila la ala ta taoafik neu fas. Esa-esak neu leondia ue le'din neu. Nggelok leu leo tina leu, ma nggelok leu sanga tali-doik;

YOHANIS 2:16

Boema nafa'da hataholi manamase'o kalua sina la nae, “So'uheni basa ia la leme ia mai. Fo boso tao Au Amang Uma na da'di mamana dangan!”

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.

NINITAK 18:15

Manadangan fo ala da'di lamasu'i so, nanahu ala dangan nai kota ndia, neukose lapadeik leme doo ka, nana ala bii sila la'e doidoso na. Neukose ala kii-makaleleu, ma ala falu,

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 18:23

Neukose hataholi ta nita seluk banuk pila nai kota ndia dalek fa; ma neukose ta tamanene feta ka'bi nga lame nai ndia so'on. O hataholi manadanga mala nde bee na hataholi nananita-nalelak nanseli nai daebafa ka, ma no o malela makahatu ma, de o ke'dindiu ma basa leoina manai daebafa ka lala'ena!”

NINITAK 18:3

Nana basa leoina la linu basa angol nasa-melu manasosoa-piao na so. Mane-mane daebafa kala hohonge lon, ma manadangan manai daebafa ka lamasu'i neme sosoa-piaon fo ta nakatatakak nala fan ndia.”

NINITAK 18:9

Mane-manek daebafak fo ala tunga nai inak ndia tatao-nono'i manasosoa-piao na ma inak ndia nasa sasaoana na, neukose ala kii ma makaleleu kota ndia, metema lita ha'imasu ka namasu neme ha'i fo manahotu naputu nana.