NEHEMIA 9:10 - Susula Malalaok Hehelu Palak Ma Hehelu Beuk

¹⁰ O tao dede'a matuaina-la soaneu mane Masir-ra, boeo soaneu hataholi mana'a ngga'di-la boema laun manai nusan-na, nana O bubuluk tao leo beek ala fepa-li'u O anam-mala. Boema O na'dem-ma nananita-nalelak losa faik ia.

NEHEMIA 9:10 交叉參考

NEHEMIA 9:16

Tehu ami bei-ba'i kaim koao-ndaeao ma latea dalen-nala; ala ta tao tunga O paletam-mala fa.

NEHEMIA 9:29

O fes nasanene'dak, fo ela ala tunga O nanolim-ma, Tehu no koao-ndaeaok, ala ta sipok O hoholo-lalanem fa. Te se'kona, metema ala tao tunga O hoholo-lalanem soona, tao leo bee-o, neukose so'dan-nala da'di malole. Sila langa batuk ma dale matea, ta nau lamanene, ta nau tunga fa.

MAZMUR 83:18

Nemen-na fo ala hapu mamaek, ma ala bii-lamata'u losa dodoon-na, nemen-na fo mates lai nakamumulu-nakamamaek-ka dalek.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

KELUARAN 3:20

Tehu, neukose Au pake Au koasang-nga, fo Au huku Masir nenik Au fe soe matuaina leo naa neu. Basa ndia soona, besak-ka ana po'i emi la'o.

KELUARAN 5:2

Manek-ka natane nae, “See Manetualain ndia? Tao le'e de, au muse taoafik neun, fo au po'i leoina Israel-la la'o? Au ta alelak Manetualain ndia fa, de au ta po'i leoina Israel-la la'o fa.”

KELUARAN 7:1

Manetualain nafa'da Musa nae, “Neukose, Au tao o da'di sama leo Manetualain nai manek-ka matan, ma neukose o tolanoom Harun, ana kokolak non, da'di leo o nabim-ma.

KELUARAN 9:16

Tehu, Au po'ilotak emi maso'da, fo ela Au hapu atu'du Au koasang-nga neu o, nalosa Au na'deng-nga da'di nanakoa-kiok nai basa daebafak-ka lala'en-na.

YESAYA 42:20

Israel, o mita makadotok, tehu o ta taoafik neu fan, o madi'idook, tehu o ta mamanene fa.”

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YESAYA 63:14

Manetualain nos leo, mamana hahaeaok-ka neu, sama leo foo bana-manu, fo leu la'a na'u nai mook-ka. Leondiak, Ana hela-nole anan-nala, fo ela na'den-na, nana namatutua-namadedemak.

YEREMIA 32:20

Makahulun eli O tao manada'dik beuk-kala ma dede'a matuaina-la nai Masir, ma losa besak ia boe, O bei tao mahelen, leomae nai hataholi Israel-la tala'da do nai leoina fe'ek-kala boe. Hu ndia de besak ia O nananita-nalelak nai basa mamanak lala'en-na.

YESKIAL 20:9

Tehu, Au ta da'di amanasa fa, fo ela leoina manai sila mamanan-na, boso lakamumulu-lakamamaek Au na'deng-nga. Nana Au po'a-benga basa nai leoina sila matan, ae neukose Au o leoina Israel-la, kalua leme Masir mai.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

DANIAL 5:23

Ama Manek namatutua-namadedema aoinan-na soaneu Manetualain nai nusa so'dak-ka, ma Ama Manek napalani nadenu hataholi neni mango fo Ama Manek aman loso nenis neme Manetualain Uman dale mai, leo feta dale mai. Boema Ama Manek noo basa hataholi matua-madema-la saoinan-nala, ma sao ka dua ka telun-nala minu pake mango sila-la. Ama Manek koa-kio lamatua daebafak fo nanataok neme lilopilas, lilofulak, liti, besi, ai ma batu, lamatua daebafak fo ta hapu lita do lamanene do lalelak hata-hata ndia fa. Ama Manek ta fe ha'da-holomata neu Manetualain fo manamaketu-mala'di Ama Manek maso'dan-na ma mamaten-na.

DANIAL 9:15

Ou Manetualain, fo ami Manetualaim, O matu'du basa O koasam-ma nenik O moo O anam-mala kalua leme Masir mai, ma O koasam ndia bei nananafandendele nahelek. Ami masala-masingo ma tao salak so.

HATAHOLI 7:36

Musa ia nde hela-nole leoina Israe la kalua leme Masir mai, ninik ana tao manda'di beuk, ma dede'a matuaina la neme Masir, neme Tasi Pila sa, ma neme mo maloa teuk hahulu dale na.

ROMA 9:17

Nana nai Susula Malalaok dale nanasulak nae, “Manetualain nafa'da mane Masi ra nae, ‘Au so'u o da'di manek soaneu ka'da dudu'ak esa nde ia, fo ela tunga o fo Au atu'du Au koasa nga ma Au na'de nga nananita-nalelak nai basa daebafa ka lala'ena.’ ”

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 7:19

Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”