MIKHA 7:7 - Susula Malalaok Hehelu Palak Ma Hehelu Beuk

⁷ Tehu ita tamahena neu Manetualain; ita tahani ita Manetualain, no namahehele henuk. Neukose namanene ita huhule-haladoin fo Ana soi-tefa-na ita.

MIKHA 7:7 交叉參考

KEJADIAN 49:18

Ou Manetualain, au ahani talu-talu neu so'da-molek fo, O fee-ka.

MAZMUR 109:4

Ala lakasasa'ek dede'ak neu au, leomae au sue-lais, ma au hule-haladoi fes.

MAZMUR 130:5

Au ahani Manetualain tulu-falin, ma au amahena hehelun-na.

MAZMUR 25:5

Manoli ma hela-nole au, fo au aso'da tunga O hihii-nanaum, nana O nde Manetualain fo manasoi-tefa au, au amahena tataas esa neu O.

MAZMUR 37:7

Mahani Manetualain no dalek fo manatesa-tamak-ka, mahani no, boso haelai mamanasa, losa Ana tao hata esa. O dalem-ma boso ba'ihana, soaneu hataholi fo ana hapu dai nai so'dan-na dalek, do hataholi manake'di-ndiuk-ka.

MAZMUR 38:15

Tete'ek-ka, au sama leo hataholi fo, ta namanene fa, hu ndia de, ta nase'i fa.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 65:2

Ami muse koa-kio O nai Sion, ou Manetualain, ma ami tao matetu ami hehelu-balataam neu O-a.

MAZMUR 85:5

Tao mabebeu ami, Ou Manetualain, fo ami manasoi-manatefam-ma, boso mamanasa seluk ami bai.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 17:7

Nai faik ndia, neukose hataholi fali, fo noke tutulu-fafalik neu Manamakadada'dik-kana, fo Israel Manetualain malalao-malalafun-na.

YESAYA 25:9

Nai lelek ndia, neukose hataholi-a nafa'da nae, “Te'e-te'e, Ndia nde, ita Manetualain-na; Ndia nde, ita tahanik-ka fo ela ita nanasoi-tefak. Te'e-te'e, Ia nde Manetualain-na; Ndia nde, ita tahanik-ka. Besak ia, ata eeki-tatadale, nana Ana soi-tefa basa ita so.”

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 8:17

Manetualain nafuni aoinan-na neme Yakob tititi-nonosin, fo anan-nala mai so, tehu au amahele ma amahena neun.

RATAPAN 3:24

Manetualain nde been-na, au hata-hetong fo kisak. Hu ndia de, au amahena neun.

DANIAL 3:17

Metema Manetualain fo ami sene-do'ok-ka napalani soi-tefa-nala ami neme ha'i manafolokakaak ndia dalek mai, ma neme Ama Manek koasan-na mai soona, tao leo bee-o Ana taon.

HOSEA 12:6

Manetualain ndia nde Manetualain Fo Manakoasa. Na'den-na nde Manetualain. No na'dek ndia, nde Ana nau hataholi-a sene-do'ok neun.

YOEL 1:19

Au oke tutulu-fafalik neu O, ou Manetualain nana moo mana'uk-kala lamatuu de mate na'un-nala, ai-la boeo, leondiak nono'kabai ha'i na'ak-kala.

HABAKUK 2:1

Au nau kae leo Au uma nanea puni mademang-nga u, fo au ahani hata fo Manetualain sanga nafa'dan neu au, ma natataan-na leobeek, la'eneu au dokodoeng-nga.

HABAKUK 2:3

Sulak-ma, dede'ak ndia, nana besak ia fain-na beita losa fa. Tehu faik ndia ana losa lai-lai, ma hata fo Au afa'dan neu o ndia, neukose tao leo bee-o ana da'di. Leomae meten soona bei dook-ka, tehu ka'da mahani! Neukose tao leo bee-o faik ndia ana mai, ma neukose ta nakamama'ak so'on.

BILANGAN 5:28

Tehu leounik-ka ta nasala fa soona, soo-supak ndia ta la'e fan, de ana bei bisa bongi seluk.