MIKHA 7:20 - Susula Malalaok Hehelu Palak Ma Hehelu Beuk

²⁰ Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

MIKHA 7:20 交叉參考

KEJADIAN 24:27

Nae, “Koa-kio Amak, fo au tuang Abraham Manetualain-na. Se'kona Manetualain manalilinekak, ma dalen-na malole neu au tuang Abraham. Ana hela-nole au tutik, leo tolanoo ka'a-fa'din neu.”

KEJADIAN 32:10

Au ta andaa sipo basa susue-lalaik, ma lilinekak lala'en fo Amak-ka natu'du basan neu au so. Lelek au la'o, de au lena Lee Yarden-na, au ta ini hata esa boen, te ka'da aitete'ek-ka mesak-kana. Besak ia, au falima'ing-nga o hataholi bubua ka duak ia-la.

YEREMIA 33:6

Tehu neu makabuin-na te neukose Au tao ahii kota ia no laun-nala heo-hilun; neukose ala labe'i-balakai lasafali. Neukose Au fes tetu-temak ma nene-lino-linok fo manasasi kao-kaok-ka.

ULANGAN 7:12

“Metema, emi taoafik neu paleta sila-la, ma emi tao-no'in no emi dalek-katematuam-ma, soona emi Manetualaim-ma boeo, neukose Ana lilineka neu hehelu-balataan fo, Ana taon no emi-a. Neukose, Ana natu'du nahele susue-lalain neu emi, sama leo Ana helu basan neu emi bei-ba'i kaim-mala so.

ULANGAN 7:8

Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.