8 Sumaik-ka, ana hotu au aopaang-nga, ta hapu so'da-la'dak nai au aopaang-nga fa.
Mananggati au nana'ang-nga, nde hoo-nggu'uk-ka, Au ta hahae haladoik-ka fa.
Au daleng-nga nakalulutuk, hu kande susa ma dale he'dik-ka; au doi-dosong boetai namaba'uk-ka, neme faik leo faik neu.
Au ada'bak nai makahatuk dale, au apadeik nai lea matan, fo au oke tutulu-fafalik.
Nai lelek au ta manaku au sala-singong fa, au doi-doso nanahu au ahoo tunga faik.
Ami bii-mamata'u, ma dale he'di; ami sanga ndoos ma matetuk-ka, tehu ta hapu fan; ami mamahena so'da-molek-ka, tehu manada'di tak.
