MAZMUR 10:5 - Susula Malalaok Hehelu Palak Ma Hehelu Beuk

⁵ Hataholi mangalauk-ka, ana hapu buna-boak, nai basa ue-le'din-na dalek; ana ta nalelak, do nalak Manetualain hoholo-lalanen fa ma nakadadaek basa musu noon-nala lala'en-na.

MAZMUR 10:5 交叉參考

KEJADIAN 6:12

Manetualain mete daebafak ndia, de nita ka'da tatao-nono'i mangalauk-ka mesak-kana, nana basa hataholi daebafak-ka maso'dan-nala mangalauk-ka.

2 SEMUEL 5:6

Faik esa boema, Mane Dauk-ka no solda'dun-nala la'o, fo sanga leu sapu-la Yerusalem. Hataholi Yebus, fo kota ndia laun-nala, beedoo lae, neukose Dauk ta bisa sengi Yerusalem fa. Hu ndia de, lafa'dan lae, “Neukose, o ta hapu masok leo ia mai fa; hataholi pokek-kala ma hataholi ei helak-kala boeo, ala bisa usi heni o.”

1RAJA-RAJA 20:13

Ndia te, nabi esa neu leo Mane Ahab-pa neu de nafa'dan nae, “Manetualain nafa'da nae, ‘O mita solda'du makadotok sila-la? Neukose Au fe o sengis faik ia. Fo ela o bubuluk mae Au nde Manetualain na.’ ”

AYUB 24:23

Manetualain fen naso'da no mole-dame, tehu Ana ta hahae nanea fan.

MAZMUR 12:5

fo lafa'da lae, “Ami koasa minik ami maam-ma! Ami hapu mafa'da su'di beek-ka, fo ta hapu hataholi, bisa napanggengge-nala fan!”

MAZMUR 73:3

nana au ape'da dalek neu hataholi manakoao-ndaeaok-ka, ma nai lelek au ita hataholi mangalauk-ka, ua-nalen malole.

AMSAL 1:19

Memak hataholi fo, ana sanga so'dan-na nenik eno naseti-nalakak-ka, neukose ana baen nenik so'dan-na mesak-kana.

AMSAL 15:24

Hataholi manatee-tenok-ka, ana tunga eno ndanda'ek manaleo maso'dak-ka neu; te ta leo eno kokonak manaleo mamates-sa neu fa.

AMSAL 2:13

Ala ta nau tunga maso'dak malole-a, eno-dalan fa; ala tunga eno makahatuk fo henuk no sala-singok-ka.

AMSAL 2:15

Ala ta tao tunga ndoon-na fa, ma ala la'ok sala eno ndoos-sa.

AMSAL 24:1

Boso mape'da dalek neu hataholi mangalauk-ka, ma boso tao tia-laik moos.

YESAYA 10:1

Soe ba'eneu emi fo, manatao hoholo-lalanek fo ta ndoos ma matetuk fa, soaneu tuni-ndeni Au leoinang-nga.

YESAYA 26:11

Manetualain, O maheheleaom, fo huku O musum-ma, tehu ala ta bubuluk fa. Nemen-na fo, ala hapu mamaek nai lelek lita O susue-lalaim ba'eneu O anam-mala. Nemen-na fo mate-mopo la'iesak-kasa, hu kande hoholo-lalanek fo O sadian ba'eneus.

YESAYA 28:15

Emi mafa'da basa, mae emi tao hehelu-balatak mo mamates-sa, ma emi mala halak mo hataholi manamatek-kala, daebafan-na. Emi mame'da mae tao leo bee-o, soe fo manamaik ndia, neukose ana ta tuni la'e emi fa, nanahu emi pake eno tipu-daik, soaneu masulu-mahapa emi aoinam-ma.

YESAYA 42:25

Boema Ana taon-na ita, tame'da tita nasa-melu matuainan-na, ma doi-doso, nanahu natee-natati matuaina. Nasan-na, namahana nai Israel, sama leo ha'i-a, tehu ita ta tame'da fan, ma ita ta tanoli neme hata fo, ita la'ola'di fan.

YESAYA 5:12

Nai emi feta-dotem-mala dalek, hapu kecapi liik, gambus liik, rebana liik, ma kinu liik, ma nininuk angol. Tehu emi ta taoafik neu Manetualain ue-le'din, ma hata fo Ana taon fa.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

ROMA 3:16

Tao nakalulutuk ma toto'a-tataa ka ala sele nggalin nai basa mamanak lala'ena.

HAKIM-HAKIM 9:27

Leu seu angol nai osi angol-la, boema ala nasu angol, fo ala tao feta. La'a-linu nai sila lamatua daebafan-na, mamana sosongon-na, boema ala soo-supa Abimelekh lae,

HAKIM-HAKIM 9:38

Zebul nafa'da Gaal nae, “Nah, besak ia, o bafa maloam ndia nai bee? Makahulun-na, o mafa'da mae, sosoak hata, ita muse takatele neu Abimelekh ndia? O makamumulu-makamamaek hataholi-la, nde ia-la. Ayo, besak ia tutulumatak, fo sapu-malas leona!”