MATEOS 8:18 - Susula Malalaok Hehelu Palak Ma Hehelu Beuk

¹⁸ Hapu hataholi makadotok nanseli lai Yesus boboa kaisun. Lelek Yesus mete nita hataholi sila la, boema nadenu ana mana tuga nala leu leo dano selik leu.

MATEOS 8:18 交叉參考

LUKAS 8:22

Faik esa boema, Yesus no ana manatunga nala sa'e ofak. “Mai teu leo dano selik teu,” Yesus nafa'das nae leondia. Boema ala la'o leona.

YOHANIS 6:15

Yesus bubuluk hataholi sila mamain ndia nde bee soona, ala sanga lakasetin fo Ana da'di sila mane na. Hu ndia de, Ana la'oheok leo nggolok manai lete kala neu.

MARKUS 4:35

Le'donosok ndia boe, Yesus nafa'da ana mana tunga nala nae, “Mai fo ata sa'e ofak leo dano selik teu.”

MATEOS 14:22

Basa ndia boema, Yesus nadenu ana mana tunga nala sa'e ofak fo lakahuluk leo dano a selik leu, nana Ana bei nadenu hataholi makadotok sila la fali le'us.

MARKUS 8:13

Boema Yesus la'oelas de neu leo ofak dale neu. Basa boema neu leo dano selik neu.

MARKUS 6:45

Basa ndia boema, no lai-laik Yesus nadenu ana mana tunga nala lakahuluk lo ofa ka leo Betsaida leu, fo nai dano selik. Nana Yesus bei nadenu falik hataholi makadotok sila la.

MARKUS 5:21

Yesus fali seluk leo dano selik neu boema, hataholi makadotok ala mai de lakamomotu lan neme boboa kaisun mai.

MATEOS 8:1

Yesus kona neme pupukuk lain mai boema, hataholi makadotok tungan.