LUKAS 20:10 - Susula Malalaok Hehelu Palak Ma Hehelu Beuk

¹⁰ Lelek fo fai na losa ketu ango la, boema osi lamatuak ndia haitua malalau-maoonon neu leo manaso'u bela kala soaneu ana sipo baba'e na. Tehu manaso'u belak sila la fepa malalau-maoono ndia de ladenun ana fali no lima louk.

LUKAS 20:10 交叉參考

1RAJA-RAJA 22:24

Boema Nabi Zedekia neu leo uluk neu de ana deka no Mikha boema ana fapan neu Mikha nasebu'u na ma nae, “Hapu nai bee Manetualain Dula dalen-na la'oela au de Ana kokolak no o?”

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

1 TAWARIKH 19:4

Manek Hanun na ho'u na Dauk hataholi nadedenun sila-la, de ana nggeuheni nggolomein-nala, ana kee keke'u bua papaken nala losa tala'da nala, de nadenus ala fali.

2TAWARIKH 16:10

Nabi Hanani hala-kokolan ndia, taon-na Asa namanasa nanseli nalosa ana tao nabi ndia leo bui dale neu. Nai lelek ndia boe, Asa tuni-ndeni laun de'ubee.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YEREMIA 20:2

ana paleta fo ela au nanafepa-li'uk ma nana langek nai Lelesu Ina Benyamin, lelesu manatia-lain-na nai Manetualain Uman.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 5:24

Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

LUKAS 13:34

Yerusalem, Yerusalem! O lau mala taomisa basa nabi la, ma Manetualain hataholi nadedenu nala, tapas minik batu, losa mates. La'i de'u bee so, Au hii holu basa o lau mala, sama leo manu ina nasaluluku ana nala nai li'dan dale, tehu o ta nau fa!

LUKAS 20:11

Boema osi lamatuak ndia haitua seluk malalau-maoono fe'en esa neu. Tehu malalau-maoono ndia boeo ala fepan ma manaso'u belak sila la lakamumulu-lakamamae kana, boema ladenun ana fali no lima louk.

LUKAS 20:9

Yesus tui hataholi sila la nakandandaak manamai ka nde ia nae, “Hapu touk esa ana sele osi angol esa. Basa boema ana fe osi ndia neu manaso'u belak de'ubee fo ala seban, boema ana la'o leo nusa fe'ek neu fo ana leo nala doo ka nai naa.

YOHANIS 15:16

Emi ta nde hele Au fa. Te Au nde hele emi, boema Au adenu emi meu, fo maboa ba'u ka, boak fo ta hapu mopo-mate fan. Boema neukose Ama ka fe emi, su'di hata fo emi moken minik Au na'de nga.

ROMA 7:4

Tolano-tolanoo ngala lemin! Emi boeo leondiak. Emi ta paluu agama Yahudi hoholo-lalanen so'on, nana emi da'di esa mo Kristus so, de Yesus fo naso'da falik neme mamate sa dalek mai ndia, nuun emi so. Naso'da falik neme mamate sa mai, fo ela ita talalau-taoono Manetualain beidai ita bei maso'dak ia.