LUKAS 2:12 - Susula Malalaok Hehelu Palak Ma Hehelu Beuk

¹² Ta'du-tanan nde ia: Neukose emi matongo mo ni'iana beuana esa, nanapopotik ninik temak, boema nangape'uk nai hako esa dalek.”

LUKAS 2:12 交叉參考

2RAJA-RAJA 19:29

Yesaya haitua hala-heheluk ia neu Hizkia boe, nae, “Neukose manada'di ta'du-tana ba'eneu o-a, nde ia. Teuk ia, ma teuk manamaik-ka, neukose hataholi-a, na'a gandum manamoli aok-ka. Tehu basa ndia soona, ala hapu sele gandum ma angol, fo la'a lita buna-boan.

2RAJA-RAJA 20:8

Boema, Manek Hizkia natane nae, “Ade, ta'du-tanan nde bee, fo nae neukose Manetualain tao nalea-nahai au, ma nae binesak soona, neukose au bisa u leo Manetualain Uman-na u?”

MAZMUR 22:6

Laloo bou-bou neu O, de O fes laladeak; lamahena, de dalen-nala tesa-tama.

KELUARAN 3:12

Manetualain nataa nae, “Neukose, Au tulu-fali o. Ma metema o moo leoina ndia kalua neme Masir mai soona, neukose emi sene-do'ok neu Au nai letek ia. Ndia da'di buti, nae Au adenu o.”

YESAYA 7:11

“Moke leona, fo ela Manetualain fo o Manetualaim-ma, fe o ta'du-tana esa, fafa'kama neme hataholi manamatek-kala daebafan-na mai fo nai dae, do neme lalai mai fo nai lain.”

YESAYA 7:14

Besak ia, neukose Manetualain nde fe o ta'du-tana. Anafe'oana kailus esa, neukose ana bongi-na ni'iana touanak esa, fo ana foin na'de Imanuel.

LUKAS 2:13

No kaiboik, ata nusa so'dak ndia sama-sama no ata nusa so'da fe'ek makadotok nan fo koa-kio Manetualain. Lafa'da lae,

LUKAS 2:7

Ana bongi na ni'iana touanak esa, fo ana ulu na. Ala popoti ni'iana ndia ninik temak, boema langapepe'u kana neu hako esa ha'deaik nai dalek, nana ta hapu mamanak ba'eneu sila, nai kama manai lai na fa.

SEMUEL SUSULAK-KA ESAN-NA 2:34

Fo da'di buti nae, Au afa'da basa sila-la, neukose ala da'di, soona neukose mate o anam duas fo nde Hofni no Pinehas, nai faik esa dalen-na.