LUKAS 12:19 - Susula Malalaok Hehelu Palak Ma Hehelu Beuk

¹⁹ Basa soona, au afa'da seluk au aoina nga ae, au aua-anale! Basa hata malole lala'ena o manuun so, de teuk lamalala boeo, neukose ta basa fas. Besak ia, hahae ao ma leona! Mu'a-minu ma mamahoko-setelee leona!’

LUKAS 12:19 交叉參考

AYUB 14:1

Mulai neme hataholi ndia bongin mai-a, aon-na manandole-ndakuk, ma be'i-balakain ta; So'dan-na keke'uanak, boema henuk no doidosok-ka.

MAZMUR 49:18

Nana nai lelek ana mate, ana ta hapu neni hata esa boen, neukose ta latoin sama-sama no hata-heton leo bolok dale neu fa.

MAZMUR 62:10

Hataholi daebafak-ka, ka'da ani hahaek esa mesan, ana matua, beli tak mesa-mesan. Metema tain soona, emi da'uk-ka, da'uk-ka lena heni, ani hahaek esa.

AMSAL 10:2

Su'i-betes fo hapun neme enok tipu-daik-ka mai, ta neni nanalak fa; nasafalin-na, ndoos-sa, neukose neni maso'dak.

AMSAL 14:24

Hataholi manatee-tenok-ka nanakoa-kiok, nanahu manatee-tenon-na, tehu hataholi nggoak-ka nananita-nalelak, nanahu nggoan-na.

AMSAL 18:11

Tehu hataholi kamasu'i-makabetek-ka, naedaenga hata-heton nde lasulu-lahapan-nana sama leo papala nanadamak madema, ma mateaina, okofefeon-na kota.

AMSAL 23:5

Nana o hata-hetom, bisa mopok-kasa, ka'da nai hatematak esa mesak-kana, nono'kabai malidak, de ana laa sama leo manupui kaka'ka laa leo lalai neu.

AMSAL 27:1

Boso kokolak bafa maloa, la'eneu fai balahaan-na, nanahu, neukose o ta bubuluk hata da'di fa.

PENGKHOTBAH 11:9

Hai muli-soluk-kala lemin, mame'da mita o fai muli-solum-ma no malole! Mamahoko-setelee beidai o bei muli-soluk. Tao matetu o samanem-ma hihii-nanaun lala'en-na, tao matetu la'iesak o dale hihii-nanaum. Tehu mafandendelek te, Manetualain manai nusa so'dak-ka, mahani te, naketu-nala'di la'iesak o tatao-nono'im.

PENGKHOTBAH 2:24

Ba'eneu hataholi daebafak-ka, ta hapu hata esa malolen-na lena neme nana'ak, nininuk mai fa, ma name'da nita ue-le'din buna-boan. Au ame'da ae ndia boeo, Manetualain baba'e-babatin.

YESAYA 22:13

Tehu nasafalin-na, emi mamahoko-setelee ma feta-dote. Emi do'do sapi ma bi'ilopo fo emi mi'a paa ma minu angol, boema emi maloo bou-bou mae, “Mai fo ata ta'a ma tinu, nana balahaa te ita mate so!”

YESAYA 5:11

Soe ba'eneu emi! Emi ue-le'dim neme fafaik losa le'odae, nde ka'da minu ala-lalu fo mafuk.

YESAYA 5:8

Soe ba'eneu emi fo manaasa uma-la, ma malaka-ma tina-la, soaneu popo-tama seluk neu emi hata-hetom-mala! Ta dook-ka so'on te, ta hapu mamanak soaneu hataholi fe'ek-kala so'on fo ka'da emi nde leo nai nusak ndia.

YESAYA 56:12

Manamafuk sila-la, lafa'da lae, ‘Mai fo, ata tinu angol, ma tinu losa takabete! Neukose, balahaa te, malole lena neme faik ia mai!’ ”

HOSEA 12:8

Manetualain nafa'da leoina Israel-la nae, “Emi dalem-ma ta ndoos, sama leo hataholi Kanaan-nala. Emi manadangam-mala nau tipu-dai sila hataholi manaasa lahele nai sila, nenik tatais ta matetuk fa.

AMOS 6:13

Emi tui tutui me'i-afek mae, emi sengi Lodebar so. Emi boeo mafa'da mae, “Emi balakaim-ma dai soaneu ho'i falik Karnaim.”

HABAKUK 1:16

Basa boema, ala sene-do'ok neu dala ndia, de ala fen tutunu-hohotuk, nana no dala ndia de ala hapu nana'a-nininuk sasi kao-kao, de ala da'di hataholi kamsu'i-makabetek.

LUKAS 12:18

Basa boema, ana dodoo seluk ma nafa'da nai dale na nae, ‘Naa, au hapu enok. Au mamana pepe'da nana'a ngala, neukose au adenus fo ala bongahenis fo au tao amatua selu kasa, fo daenga au pe'da basa au gandu mala, ma hata-heto fe'e ngala leu dalek.

LUKAS 16:19

“Hapu hataholi kamasu'ik esa. Bua-lo'a papakena kabelik mesa-mesan, ma nana'a-nininun malole-mala'da tunga faik.

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

1 KORINTUS 15:32

Metema ndia tunga ka'da hataholi daebafa ka tai-dodoon mesa kana soona, au hapu nananalak hata soaneu sanga enok nono'ka bai de, au la'ban bana makaa kala nai kota Efesus ia? Metema memang hataholi manamate kala ta nanatao naso'da falik fa, naa, malole lenak ita tunga dede'a bini esa ia nae, “Mai fo ata ta'a-tinu, ma hika-setelee, nana balahaa te, neukose ita mate so.”

FILIPI 3:19

Hataholi matak leo sila ka, neu mate'e na te ala masok leo tasi ha'ik dale leu. Nana hataholi sila la, ala tao sila hihii-nanau ao paa nala da'di neu sila lamatua na. Ma dede'a manini mamae ka, ala taon da'di sila dede'a namahokon; nana ala du'a-dodoo ka'da dede'a daebafa ka mesa kana.

1 TIMOTIUS 5:6

Tehu inafalu fo ana nau naso'da nai ka'da namahoko-setelee ka dale ka, meten soona, bei naso'da tehu mana mate basak so.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

2 TIMOTIUS 3:4

Ala hii ka'da ke'dindiu hataholi, lamatutua-lamadedema ao nala, ma hahae keke'u kala.

YAKOBIS 5:5

Emi ta to'a ta hata esa boen, ma emi maso'da nai namahoko-setelee ka dalek, nai daebafak ia. Emi hani maao emi ao paa ma, nono'ka bai de, emi mahani fai dodo'do na.

1 PETRUS 4:3

Nai le'do fai maneu ka, doo ka nanseli, emi tao-no'i tunga hataholi fo ta lalelak Lamatua ka, tatao-nono'i nala so. Hu ndia de, emi so'da ma ta malole fa. Emi tunga nasa-melu ka, mafuk ala-lalu, tao feta-dote, mi'a-minu, ma sene-do'ok meu sosongo-tatango manggenggeo ka.

NINITAK 18:7

Fen doidosok ma dale he'dik dede'u na sama no matua-madema ma so'da manadailenak fo nanafek neu aoina na. Nana ana ka'da nafa'da tataas esa neu aoina na nae, ‘Au ia, ina manek fo mana paleta! Au ta inafalu fa; neukose au ta la'ola'di dale he'dik fa!’

SEMUEL SUSULAK-KA ESAN-NA 30:16

Boema, nos leo solda'du sila-la mamanan-na neu. Nai lelek ndia, solda'du sila-la lapanggela lai basa mamanak ndia lala'en-na, boema la'a-linu ma ala feta-dote, nanahu ala kalo leni bua-lo'a kakalok makadotok leme nusa Filistin ma Yehuda mai.