LUKAS 11:1 - Susula Malalaok Hehelu Palak Ma Hehelu Beuk

¹ Nai faik esa boema Yesus hule-haladoi nai mamanak esa. Ana hule-haladoi basa boema, ana manatungan esa nae, “So'ba Lamatua ka manoli su'dik ami huhule-haladoik sama na leo Yohanis nanoli ana manatunga nala hule-haladoi ka.”

LUKAS 11:1 交叉參考

MAZMUR 10:17

Manetualain, O mamanene hataholi nananakadadaek-ka, huhule-haladoin, ma O matetea-mahehele dalen-nala.

MAZMUR 19:14

Madook au neme sala-singok fo au taon no nameme'dak, boso po'ilotak sala-singok ndia, ana koasa-na au. Soona au da'di hataholi sala tak, ma au atapo'i eme sala matuaina mai.

LUKAS 10:42

te see ko na fo nanapaluu ka, ka'da dede'ak esa mesa kana. Maria hele basa hata fo malole a, fo neukose ta nanaho'ik neme ndia mai fa.”

LUKAS 11:2

Boema Yesus nafa'das nae, “Metema emi hule-haladoi soona, mae leo ia, ‘Ama, O nde ma Manetualain fo Kisak. Ela leo bee na, O nananakaluku-nakatelek ma nanafe ha'da-holomatak. O nde ami Mane ma. Sa'di leo bee na O paleta nai daebafa ka.

LUKAS 6:12

Nai lelek ndia, Yesus kae leo pupukuk esa lain neu soaneu hulu-haladoi. Nai ndia Ana hule-hala doi neu Manetualain, le'odae katemak esa.

LUKAS 7:13

Lelek Lamatuak Yesus nita inak ndia boema, dale na tu'da neun de nafa'dan nae, “Ina, boso kii-makaleleu!”

LUKAS 7:19

boema nadenus leu leo Lamatuak Yesus fo latanen lae, “Ade Ama ia hataholi fo neukose ana mai tunga Manetualain hehelu na, do muse ami mahani hataholi fe'ek?”

LUKAS 9:18

Nai faik esa, fo nai lelek Yesus bei hule-haladoi mesa kana, te ana manatunga nala mai. Boema Yesus natanes nae, “Tunga hataholi a nafafa'da na, Au ia see?”

LUKAS 9:28

Fafa'ka ma Yesus nanoli basa dede'ak sila la mamasok esa boema, Ana leleko Petrus, Yohanis, ma Yakobis leo letek esa poi na leu fo ala hule-haladoi.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

YUDAS 1:20

Tehu ba'eneu emi, fo au tolanoo susue ngala lemin! Oebeu emi so'da ma nakandoo, tunga emi namahehelem neu Yesus Kristu sa. Nana emi namahehelem ndia, malalaok nanseli. Hu ndia de, emi muse hule-haladoi minik Manetualain Dula Dale na koasa na,