KOLOSE 1:11 - Susula Malalaok Hehelu Palak Ma Hehelu Beuk

¹¹ Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

KOLOSE 1:11 交叉參考

MAZMUR 63:2

Ou Manetualain, au Manetualaing-nga nde O, au sanga ma ahiik O. Sama leo dae tokotik-ka, ana maa ma'da oe, leondiak boe, au maa ma'da neu O.

KELUARAN 15:6

O be'i-balakaim dodoo doak-kana nanseli, ou Manetualain, O taom-ma musu-a tonggela.

AMSAL 24:10

Metema ketu o namahehenam-ma nai toto'a-tataak-ka, soona o hataholi tapandoes.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

HATAHOLI 1:8

Tehu neukose emi hapu koasa, metema Manetualain Dula Dale na ana kona mai emi. Ma neukose emi da'di sakasii soaneu Au nai Yerusalem, nai basa Yudea lala'ena, ma nai Samaria, losa daebafa ka bu'u-bu'u nala.”

HATAHOLI 5:41

Hataholi nadedenun sila la la'oela Mana Maketu-Mala'di Agama Matua Ina sila la no namahokok, nana Manetualain nafa'da basa nae, sila landaa hapu nakamumulu-nakamamaek, hu ka nde Yesus.

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

1 KORINTUS 16:13

Ela leo bee na manea matalolole ma matea-mahele nai emi maso'da ma dalek, da'dileo hataholi kamahehelek. Da'di palani ma balakaik, ma da'di mabe'i-balakaik.

2 KORINTUS 4:7

Tehu hata-heto samanek mana'a hiik ndia nanape'dak nai uledae dale, fonde ami aoinam beli tak ia. No enok ndia nananitak nae, Manetualain nde koasa na lena, te ta ami fa.

EFESUS 3:16

Au hule-haladoi fo ela leo bee na, Manetualain fo mandela-masa'a ka, Ana nau natetea-nahehele emi dale ma ninik Dula Dale na.

EFESUS 4:2

Ela leo bee na, makaloe-makadae ao mala tataas esa, dale mangana'uk, ma boso haelai mamanasa. Matu'du emi susue-lalaim, ninik esa tulu-fali esa.

EFESUS 6:10

Mate'e na, ela leo bee na emi da'di balakaik, minik be'i-balakaik fo emi hapun neme Lamatua ka mai, nana emi da'di esa moon.

FILIPI 4:13

Hu ka nde Kristus fe au koasa de, au hapu be'i-balakaik soaneu au asasale matak o basa manda'dik lala'ena.

2 PETRUS 1:6

ma fe'ek neme malelak ndia mai, emi boeo, muse paleta ma emi ao ina ma. Fe'ek neme paleta ao ina ka mai, ela leo bee na emi boeo, makatatakak nai lelek fo, emi masasale matak mo basa hata lala'ena. Ma fe'ek neme nakatatakak nai lelek fo emi masasale matak mo basa hata lala'ena, emi boeo muse maso'da tunga Manetualain hihii-nanaun.

YUDAS 1:25

Ka'da Ndia mesa kana nde Manetualain fo Manasoi-tefa ita tunga ita Lamatuan Yesus Kristus. Ndia nde Manetualain fo mandela-masa'ak, matua-madema, mana koasa, ma manini-mafa'dak, neme makahulun eli losa besak ia, ma losa dodoo na! Amin.

NINITAK 14:12

Nai dede'ak ia dalek, Manetualain hataholi kamahehele manatunga Manetualain paleta nala, ma manalilineka neu Yesu sa, paluu lakatatakak.