IBRANI 11:23 - Susula Malalaok Hehelu Palak Ma Hehelu Beuk

²³ Hu ka nde namahehele ka, de Musa ina aman lafunin bulak telu dale na nai lelek bongi basa nana. Ina aman lita, lae ni'iana ia mana'a hiik, de ala ta bii lena la'ban mane ka paleta na fa.

IBRANI 11:23 交叉參考

MAZMUR 118:6

Au ta bii-amata'u fa, nana Manetualain no au, hataholi daebafak-ka, ta hapu tao hata esa boen soaneu au.

MAZMUR 56:4

Lelek au bii-amata'u-a, au amahena neu O.

KELUARAN 1:16

Manek Masir-ra nafa'das nae, “Nai lelek inak Ibrani-la bongi, fo emi meu makabobongik-kasa soona, mafandendelek dede'ak ia: Metema ni'iana nanabongik ndia touanak soona, taomisan! Tehu metema ni'iana nanabongik ndia inaanak soona, nemen-na fo naso'da.”

KELUARAN 1:22

Boema, manek-ka fe paleta nde ia neu basa laun-nala nae, “Basa ni'iana touanak fo hataholi Ibrani-la besak-ka bongi-lan na, muse tapa henis leo Lee Nil-la dalek neu, tehu basa ana inaanan-nala nemen-na fo ala bole laso'da.”

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

DANIAL 6:10

Boema Mane Darius-sa limalee susulak ndia.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

HATAHOLI 7:20

Nai lelek ndia nde bongi Musa. Ni'iana ndia mana'a hiik. Ina aman lakaboboi lafufunik ni'iana ndia neme uma, bulak telu dale na,

IBRANI 13:6

Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”