HOSEA 5:5 - Susula Malalaok Hehelu Palak Ma Hehelu Beuk

⁵ Israel koao-ndaeaon, nananitak no mangale'dok, de ana da'di buti neu sila salan-na. Sila sala-singon tao nalas lakatunu, de ala tu'u leu, boema leoina Yehuda, ana tu'u sama-sama nos.

HOSEA 5:5 交叉參考

AMSAL 11:21

Hataholi mangalauk-ka, tao leo bee-o, ana hapu huhukuk; tehu hataholi malole-a, neukose naso'da.

AMSAL 11:5

Ndoos ma matetuk-ka, tao natetetu hataholi malole-a, so'dan-na eno-dalan, tehu hataholi mangalauk-ka, neni aoinan-na leo nakalulutuk-ka neu.

AMSAL 14:32

Hataholi mangalauk-ka mopo-mate, nanahu tatao-nono'i mangalauk-ka, tehu hataholi malole-a, dale ndoon-na nasulu-nahapan.

AMSAL 24:16

Nana leomae hataholi dale ndoos-sa, ana la'o la'di nahenik la'i nono'ik boe, tehu ana fo'a seluk tatas esa. Tehu nasafalin-na, hataholi mangalauk-ka, neukose nakalulutuk, hu kande susa-soe-a.

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

YESAYA 3:8

Te'e-te'e, Yerusalem tu'da so! Yehuda nakalulutuk so! Nana sila dede'a-kokolan, ma tatao-nono'in lala'en-na la'ban Manetualain ma ala ta sipok koasan-na fa.

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESAYA 44:9

Hataholi manatao dodoki-dudula sosongo-tatangok ndia, sosoa-ndandaan ta, ma lamatua daebafak fo ala sene-do'ok sila-la, sosoa-ndandaan ta. Hataholi manasene-do'ok neu dodoki-dudulak sila-la, pokek ma ala ta bubuluk hata esa boen, hu ndia de, neukose ala hapu mamaek.

YESAYA 59:12

Tete'ek-ka, ami tatao-nono'i mangalaum makadotok, soaneu O so; ami sala-singom, fe salak neu ami. Te'e-te'e, ami mame'da, ami tatao-nono'i mangalaum-ma, ma ami bubuluk, ami sala-singom.

YEREMIA 14:7

Au anang-ngala lalo bebou lae, ‘Manetualain, leomae ami sala-singom-mala tuni-ndeni ami tehu tulu-fali ami sama leo O hala-hehelum-ma. Ami la'o ela O do'e-do'e; Tete'ek-ka, ami masala-masingo neu O.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 14:2

Hai leoina Israel-la lemin, fali me'um-ma leo emi Manetualaim-ma meu leona! Emi sala-singom tao-na emi kosik, de emi tu'u meu.

HOSEA 4:5

Lele'do-le'odaen, emi tao salak, leondiak boe, basa nabi la. Hu ndia de, neukose Au tao amopo-amate emi inam Israel.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

AMOS 5:2

Israel fo bei matatema, ana tu'da so, neukose ana ta fo'a so'on! Nanapo'ilotak nai dae-oen lain, ta hapu esa boen tulu-falin fo napadeik fa.

MATEOS 23:31

Da'di emi manaku aom mae, emi nde hataholi mana taonisa nabi la, tititi-nonosi na!

LUKAS 19:22

Manek ndia nafa'dan nae, ‘O malalau-maoono mangalauk! Neukose au huku o nandaa no o hala-kokolam. O bubuluk au hataholi fo dale matea. Au ho'i hata fo ta au nung fa, ma au ketu-kolu buna-boak nai mamanak fo au ta sele-nggali fa.