FILIPI 2:28 - Susula Malalaok Hehelu Palak Ma Hehelu Beuk

²⁸ Hu ndia de, au ahiik anseli, soaneu au adenun ana fali seluk leo emi neu, fo ela metema emi matongo moon soona, emi mamahoko seluk ma au dale nga boeo, ana tesa-tama.

FILIPI 2:28 交叉參考

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

2 TIMOTIUS 1:4

Au afandele o dale he'di ma. Hu ndia de, au ahiik alanseli, au atongo o, fo ela au amahoko te'e-te'e.

2 KORINTUS 2:3

Hu ndia de au sulak fe emi susulak ia. Au ta nau ne'i donge-dama emi fo emi makahehe'dik au, te see ko na emi nde muse tao mamahoko au. Nana au amahele, metema au amahoko soona, emi basa-basa mala mamahoko boe.

HATAHOLI 20:38

Ala susa lanseli, nana Paulus nafa'da nae, neukose ta lita Paulus so'on. Basa boema lafuli lo Paulus losa ofak lain.

KEJADIAN 48:11

Boema Yakob nafa'da Yusuf nae, “Te'e-te'e au ta dodoo losa, neukose au atongo seluk o o fa, tehu nakalenak besak ia Manetualain fe au loak ita o ana mala boe.”

FILIPI 2:29

Hu ndia de, emi muse sipo kana no dale katema tuak, da'dileo tolanook esa nai namahehele ka dalek. Fe ha'da-holomata neu basa hataholi leondia ka.