ESTER 9:25 - Susula Malalaok Hehelu Palak Ma Hehelu Beuk

²⁵ Tehu Ester neu leo manek-ka neu, fo manek-ka fe susula paleta, de susulak ndia tao-na Haman dale tutu'u mangalaun-na, la'e seluk-kana, nalosa no anan-nala nanalonak nai dii lolonak-ka.

ESTER 9:25 交叉參考

1RAJA-RAJA 8:32

ou Amak, ela leo been-na O mamanenen nai nusa so'dak-ka, ma maketu O atam ia la dede'a na. Huku manamasala ka nandaa no tatao-nono'in, ma po'i sala taa ka.

ESTER 3:6

Ma nai lelek, ana bubuluk lae Mordekhai hataholi Yahudi esa boema, ana ho'i nakeketuk fo huku Mordekhai, ma ta ka'da ndia mesak-kana fa, tehu neukose, ana tao namopo-namate basa leoina Yahudi manai nusa Persia lala'en-na.

ESTER 7:10

Haman nanalonak neu dii fo napadedeik basan soaneu Mordekhai-a, leondiak. Basa ndia boema, besak-ka manek-ka nasa-melun tenak.

ESTER 7:4

Nana atam-ma, ma atam-ma leoinan-na nananase'o basak soaneu taolisas so. Leounik-ka, ka'da lase'o ami, fo ala tao ami da'di ata soona, neukose atam-ma denge-denge, fo ta tao tasi'bu Ama Manek fa. Tehu besak ia, neukose ami nanatao namopo-namatek, fo mopo ami na'dem-ma nai daebafak-ka!”

ESTER 7:5

Boema Mane Ahasyweros-sa, natane Ina Manek Ester-ra nae, “Se kande, napalani tao leondiak-ka? Hataholi ndia, nai bee?”

MAZMUR 140:8

Amak, fo au Manetualaing-nga, nde bee-na au manasoi-manatefang fo, mabe'i-balakaik, O masulu-mahapa au, nai natee-natatik dale so.

MAZMUR 140:9

Ou Manetualain, boso sipok hataholi managalauk-ka huhule-haladoin, boso sipok sila tutu'u tipu-dain-nala.

MAZMUR 141:10

Nemen-na fo, hihi'in-nala nala seluk-kasa, tehu sa'di leo bee-na, au aso'da.

MAZMUR 7:16

Ana kali bolok soaneu hataholi fe'ek, tehu ndia mesak-kana nde tu'da leo dalek neu.

MAZMUR 7:17

Da'di, ndia nanahukuk hu kande tatao-nono'i mangalaun-na, ma nanafepa-li'uk hu kande malaka-masetin-na.

MAZMUR 94:23

Ana huku hataholi mangalauk-ka, nandaa no tatao-nono'in, ma Ana tao namopo-namates nanahu sala-singon-nala. Ita Aman Manetualain neukose Ana hukus.

AMSAL 26:27

See kali bolok soaneu hataholi fe'ek soona, neukose ana kosik leo dalek neu. See loli batu, fo ela tuni la'e hataholi fe'ek soona, neukose batu ndia, tuni la'e seluk-kana.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

YESAYA 22:25

Metema dede'ak ndia ana da'di, soona ai papakuk fo nanapaku nahelek ndia, neukose natalesu fo tu'dahenin. Fo ndia nde da'di teidalek-kala maso'da mate'en-na, ma boeo basa hataholi fo namahena neun-na. Au, fo Manetualain nde manakokolak-ka.”

OBAJA 1:15

“Tete'ek-ka fain-na deka soaneu Au, Manetualain, aketu-ala'di leoina-la. Hata fo Edom tao-no'in, neukose ana hapu babalan-na. Boeo neukose, neme'da hata fo ana tao-no'in.

MATEOS 21:44

Metema hataholi fo mana tu'da neu batu ndia lai na, neukose nakalulutuk; ma metema batu ndia napaluni na see soona, neukose ana loli nakasosopu kana, fo ana da'di afu.”

SEMUEL SUSULAK-KA ESAN-NA 25:39

Dauk namanene Nabal maten boema nafa'da nae, “Koa-kio Manetualain! Nanahu Ana balas Nabal dodoki-aali au, boema Ana kena ka'i au fo ela au boso tao mangalauk. Manetualain huku basa Nabal nanahu tatao-nono'i mangalaun-na.” Basa boema, Dauk nadenu hataholi neu adu-natane Abigail, fo ana taon da'di ndia saoinan.