Ela leo bee-na, ita anatoun-nala, nai lelek muli-solun-nala, sama leo bubu'u-palusa fo namatua. Ela leo bee-na, ita anainan-nala, sama leo dii bu'uk-kala, fo ala painote uma manek-ka dii bu'un-nala.
Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’
Manetualain hala hehelun la'eneu Israel nde ia. Manetualain fo nakapepela lalai-a, ma nakadada'dik daebafak-ka, boema manafe maso'dak neu hataholi daebafak-ka, nafa'da nae,
Ta'ko ala ta nau manaku lae, makahulun eli, Manetualain nakadada'dik lalai a no daebafa ka ninik ka'da hala-kokolan mesa kana fa. Manetualain nakadada'dik daebafa ka neme oe a mai, ma no oe;
Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.
