AYUB 26:14 - Susula Malalaok Hehelu Palak Ma Hehelu Beuk

¹⁴ Tehu basa sila-la, ka'da ta'du-tana neme koasan-na mai; ka'da namakukutuk esa, fo ana losa ita di'idoon-na. Ita malelan-na, ka'da faaanak mesan, la'eneu Manetualain ma koasa matuainan-na!”

AYUB 26:14 交叉參考

MAZMUR 145:3

Nana Manetualain matua-madema, ma nanakoa-nanakiok nanseli, matua-mademan ta hapu dodoo-nala fan.

MAZMUR 139:6

Deman-na seli ba'eneu au, la'eneu O malelam ndia, au dudu'a-aafing, ta losa fan.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

MAZMUR 29:3

Manetualain fo matua-madema, nanggulu nai tasi lain, halan-na nadodolo nai tasi maloaina lain.

AYUB 40:9

Ade, o balakaim-ma, sama leo Au do? Ade, o halam-ma, bisa nadodolo sama leo Au do?

AYUB 36:29

Ta hapu hataholi esa boen, nalelak ko'as-sa leleo-lala'on fa, boema mangguluk-ka, nanggulu nai lalai, nai mamanak fo, Manetualain leo.

AYUB 4:12

Ninitak esa, ana mai hai leo au mai, nono'kabai, namakukutuk nai au di'idong dale.

SEMUEL SUSULAK-KA ESAN-NA 2:10

Manetualain musun-nala lutu-lutu, ala bii-lamata'u, nanahu Manetualain namanasa de halan-na nadodolo neme lalai-a mai; Neukose Manetualain, naketu-nala'di basa daebafak ia lala'en-na, ma Ana fe koasa mandela-masa'ak-ka neu manek fo Ana helek-ka.”

AYUB 37:4

Basa boema, halan-na nananamanenek nadodolo, mangguluk-ka no ta'tas-sa liin-na nadodolo; ma nai lii madodolok-ka tala'da, ta'tas-sa nangale'do tuti-nato.

AYUB 37:5

Hu kande, Manetualain paletan-na, de manada'di beuk-ka da'di, manada'di mata beuk, fo ita ta talak-kana fa.

AYUB 42:5

Makahulun-na, au malelang soaneu O-a, au amanenen ka'da neme hataholi mai, tehu besak ia, au alelak O, nenik tasasalematak.

HABAKUK 3:4

O mai no mandela-masa'ak, mandela-masa'ak-ka kalua neme O limam-ma mai, O mafuni O koasam-ma nai ndia.

PENGKHOTBAH 11:5

Manetualain tao basa-basan lala'en-na, ma hataholi daebafak-ka ta bisa nalelak nakeketun-na fa; leondiak boe ta nalelak so'da beuk-ka momoli-dada'din nai inak esa ilun dale fa.