1 YOHANIS 1:8 - Susula Malalaok Hehelu Palak Ma Hehelu Beuk

⁸ Metema ita tafa'da tae, ita sala-singon ta soona, ita ke'dindiu seluk ita ao ina na, fo no enok ndia, Manetualain ta nai ita dalen dale fa.

1 YOHANIS 1:8 交叉參考

1RAJA-RAJA 8:46

Memak tete'e ka ta hapu hataholi esa boen ta nasala-nasingo neu O fa – Tehu metema O ana mala lasala-lasingo neu O – boema hu ka nde O nasa-melum de O po'ilotak musu a sengis, de loos da'dileo hataholi nanafook leo nusak esa nai dook-ka do nai mata boeo,

2RAJA-RAJA 20:15

Boema Yesaya natane seluk nae, “Lita beek, nai uma manek-ka?” Hizkia nataa nae, “Lita basa-basan lala'en-na. Au atu'dus basa hata lala'en, fo nanape'dak nai uma manek dale.”

2TAWARIKH 6:36

Metema O anam-mala lasala-lasingo neu O – te'e-te'e ta hapu hataholi esa boen nasala-nasingo fa – boema hu kande O nasa-melum de O po'ilotak musu-a sengis de loos da'di leo hataholi nanahukuk leo nusak esa nai dook-ka do ana deka soona,

AYUB 14:4

Ade, hapu hataholi daebafak masala-masingok-ka, bisa neni hata fo, matetu-mandaak do?

AYUB 15:14

Ade, hataholi daebafak-ka, salan ta makandondook do? Ade, bisa ndia ndoos, nai Manetualain matan-na do?

AYUB 25:4

Ade, hataholi daebafak-ka, bisa malalao-malalafuk nai Manetualain mata memeten-na do ta? Ade, neuisik nai mata memeten-na do ta?

MAZMUR 143:2

O atam au ia, de boso maketu-mala'di au, nana hataholi lala'ena, masalak mesa-mesan nai O matam.

AMSAL 20:9

Ade, hapu hataholi bisa nafa'da nae, “Au daleng-nga malalaok, nana au atapo'i eme sala-singok-ka mai so do?”

PENGKHOTBAH 7:20

Nai daebafak ia, ta hapu hataholi matetu-mandaak fa; ta hapu hataholi manatao malole tataas esa fa, ma beita nasala-nasingo nita fa.

YESAYA 53:6

Ita basa-basa-tala, tatofa-tatalak, sama leo bi'ilopo-a, fo esa-esak sangak enon. Manetualain nadodou basa ita sala-singon neun so.

YESAYA 64:6

Ami basa-basam-mala nde been-na, hataholi manggenggeok, nakalenak ami tatao-nono'i malolem-ma boeo, ta kandaak ma maggenggeok. Neukose mopok ami, nanahu ami tatao-nono'i mangalaum-ma, sama leo anin-na fuu neni akidook-ka.

YEREMIA 2:35

emi mafa'da mae emi salam ta, ma emi mae Au ta amanasa seluk emi so'on. Tehu Au fo Manetualain, neukose huku emi, nanahu emi ta nau manaku, mae emi masala fa.

IMAMAT 13:12

Metema, imam-ma nita, nae kokoto fulak sila-la sii dapa-dapa neme langan-na losa ein-na,

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

ROMA 3:10

Sama leo nanasulak nai Susula Malalaok dale nae, “Ta hapu hataholi ndoos esa boen,

ROMA 3:23

Basa hataholi la lasala-lasingo, de lalai la'oela Manetualain fo manafes maso'dak ndia so.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

GALATIA 6:3

Metema hataholi esa naedaenga ndia hataholi nananita-nalelak, te see ko na ta, soona hataholi ndia nasapepeko seluk ao ina na.

1 TIMOTIUS 6:5

fo nale'a-napili ka, ta hahae fa. Hataholi sila dudu'a-aafi nala lakale'o ma dudu'a-aafi nala, ta malole la so'on. Laedaenga lamasu'i neme agama mai.

2 TIMOTIUS 3:13

tehu hataholi mangalau kala, lo hataholi mana ke'dindiu kala, ala boetai mangalauk lakandoo.

YAKOBIS 1:22

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

YAKOBIS 3:2

Nasi'a ita basa tala tao salak. Tehu hataholi fo ana beita tao nita salak ninik hala-kokola na, hataholi ndia, hataholi matetu-mandaak, nana ana hapu koasa na, ao ina na lala'ena.

2 PETRUS 2:13

Neukose ala sipo sila tatao-nono'i mangalaun ndia buna-boan, fo nde doidosok ma to'a-taa ka. Tatao-nono'ik fo, nandaa no hataholi sila dale na nde, ala tao su'di bee ka nai fai lele'do na, sa'di ala tao latetu sila dale hihii na. Metema langatuuk lakabubua lo emi nai feta-dote soona, hataholi la malua heheo-hihilu nala, nana nasa melu mata-mata kala, tao lalas da'di mana mafu kala.

1 YOHANIS 1:10

Tehu metema ita tafa'da tae, ita sala-singon ta soona, nono'kabai de ita tao Manetualain da'di masapepeko-masandandalik, boema ita ta tape'da Manetualain dede'a-kokolan nai ita dalen dale fa.

1 YOHANIS 1:6

Metema ita tafa'da tae, ita taso'da da'di esa ton, te se'kona ita taso'da nai makahatu ka dalek, soona ita tasapepeko tunga hala-kokola ka, ma tunga tatao-nono'i ka boe.

1 YOHANIS 2:4

Hataholi fo nafa'da nae, “Au alelak Manetualain,” tehu ana ta tunga paleta na fa soona, hataholi ndia masapepeko-masandandalik, nana Manetualain ta nai dalen dale fa.

1 YOHANIS 4:20

Metema hataholi esa nafa'da nae, “Au sue-lai Manetualain”, tehu ana ta sue-lai tolano na fa soona, hataholi ndia masapepeko-masandandalik. Nana leomae hataholi ndia memetek tolano na boeo, ana ta sue-lai fan, na neme bee mai a, ana hapu sue-lai Manetualain fo nananita tak ndia.

2 YOHANIS 1:2

Nanahu Manetualain leo nai ita dalen dale, ma no nahele ita losa dodoo na.

3 YOHANIS 1:3

Au amahoko anseli nana, nai lelek tolanoo salanik de'u bee, ala mai de lafa'da au lae, o lilineka mahele mo Manetualain fo ndoos ndia, hu ka nde nai o so'da ma dalek, o tunga mahele Manetualain nanoli nala.