8 Neme Au os kalua leme Masir mai-a, ala lepos lasadea Au, de ala sene-do'ok neu lamatua daebafak-kala, ma hata fo besak ia, ala taon neu o ndia nde ala taon neu Au boe.
fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.
Lafa'da lae, “Malole lenak, leouni'ka Manetualain taonisa ami neme Masir so. Nai naa, ami mangatuuk, fo ami mi'a paa ma loti, losa ami makabete. Tehu emi moo ami leo ia mai, fo ela ami basa-basam-mala, mate no la'as-sa.”
Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”
Au afa'da ae, basa ata Ibrani-la fo manamalalau-maoono teuk nee dodoon-na ndia, muse soi po'is neu teuk kahitun-na babasan-na. Tehu emi bei ba'i-kaim manamaten-nala ta nau tao afik do lamanene hata fo Au afa'dak ndia fa.
“Hai, hataholi daebafak manasapu-lalok-konei, Au adenu o muu leo hataholi Israel fo, manalena-la'ban neu Au-a. Hataholi sila-la, malenalanga-masabasook-kala, sama leo sila bei-ba'i kain-nala boe.
Hu ndia de, Manetualain namanasa nanseli hataholi Israel-la, de nafa'da nae, “Au paleta basa leoina ia bei-ba'i kain-nala, fo ela ala ho'u lahele hehelu-balataak, fo Au taon no sila. Tehu leoina ia, tao ketu hehelu-balataak ndia; ala la'olena Au paletang-ngala.
de Manetualain nafa'da nae, “Sipok la'iesak leoina ndia nonoken neu o-a. Nana ala ta tipa o nde ndia fa, te Au dei. Ala ta lahiik Au da'di sila manen so'ok.
