SEMUEL SUSULAK-KA ESAN-NA 8:19 - Susula Malalaok Hehelu Palak Ma Hehelu Beuk

¹⁹ Tehu leoina ndia, ta nau taoafik neu Semuel hala-kokolan fa, lena-lenak lafa'da lae, “Nemen-na! Leomae leo beek boe, ami mahiik hapu manek.

SEMUEL SUSULAK-KA ESAN-NA 8:19 交叉參考

2RAJA-RAJA 21:9

Tehu, hataholi Yehuda-la ta tunga Manetualain fa, ma nakalenak, hu kande Manasye, de ala tao sala-singok, fo mangalaun-na lena heni sala-singok fo nanatao-no'ik neme leoina fo, Manetualain usi henis leme Kanaan mai, nai lelek hataholi Israel-la masok kota ndia.

MAZMUR 81:11

Au nde, emi Amam Manetualain fo manahela-nole emi kalua meme Masir mai. Lelek emi mamala'a, Au fe emi nana'ak.

MAZMUR 81:12

Tehu Au anang-ngala, ta nau lamanene Au fa, Israel ta nau tunga neu Au fa.

YESAYA 66:4

Hu ndia de, Au boeo, neukose tao tunga Au dale hihii-nanau mesang-nga, de Au fes ala bii-lamata'u neu soe-la, tuni-ndeni nalas. Nana lelek Au aloo, ta hapu manamataa fa; lelek Au kokolak, ta hapu manamamanenek fa. Ala lahiik ka'da lena-la'ban Au, ma ala tao tatao-nono'i mangalauk.”

YEREMIA 44:16

“Ami ta nau mamanene hata fo o mafa'dan neu ami pake Manetualain na'den-na fa.

YEREMIA 7:13

Leomae Au kokolak o emi la'inono'ik boe, tehu emi ta nau mamanene Au fa. Emi tao basa sala-singok sila-la, de metema Au aloo soona, emi ta nau mataa fa.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

ULANGAN 17:14

“Metema emi leo nai dae fo, emi Manetualaim-ma fen neu emi-a soona, fafa'kama emi mahiik manuu manek esa, sama leo leoina fe'e-fe'ek fo, manai emi titia-taataim-mala boe.

SEMUEL SUSULAK-KA ESAN-NA 12:12

Tehu lelek emi mita Nahas, fo Amon manen-na, sanga sapu-na emi boema, emi ta sipok Manetualain da'di emi manem fa, de emi mafa'da au mae, ‘Ami hii manek esa paleta ami.’ ”