Isai anan Dauk, nanahelek da'di manek, de Yakob Manetualain-na, Ana taon da'di hataholi matua. Dauk boeo nde tao fe Israel nakameek. Dauk hala-kokola mate'en-nala nde ia:
Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.
Bongi Yesus nai kota Betlehem, nai nusa Yudea nai lelek Mane Herode sa paleta. Nai lelek ndia, hapu hataholi malela nduuk telu leme dulu mai fo ala leo Yerusalem leu.
‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”
Inak manai uma titia-tatain-nala, foi ni'iana ndia na'de Obed. Lafa'da su'di see lae, “Naomi hapu ni'iana touanak esa so!” Obed ia nde makabuin-na, ana da'di Isai aman; fo Isai ia nde been-na Dauk aman.
Hapu touk esa na'de Elkana, neme leo Efraim-ma mai. Ana leo nai kota Rama, nai Efraim dae letelepan-na. Elkana nde been-na, Yeroham anan, ma Elihu upun. Ana masok teidalek Tohu, fo ndanak neme leo Zuf-fa mai.
Basa teuk de'ubee boema, Manetualain nafa'da Semuel nae, “O dalem-ma he'dis losa fa'ihi'da hu kande Saul? Ade, Saul ta da'di manek Israel so'on hetu? Besak ia, ho'i-ma mina setun, fo muu leo Betlehem muu, soona muu leo hataholi esa na'de Isai, nanahu Au hele basa anan esa da'di manek so.”
Lamanene dede'ak ndia boema, atan esa nafa'da nae, “Kota Betlehem-ma laun esa, na'de Isai, anatouanan esa nakaminak nalelak sasanu. Hataholi ndia palani, ma solda'du malole esa. Bai te, aon-na makadelek ma malela dede'ak, ma Manetualain tulu-falin tataas esa.”
