5 Boema, Semuel nafa'da nae, “Nai faik ia, Manetualain ma Ana hele manek-ka, da'di sakasii, lae se'kona au ta tao salak faaanak boen.” Boema, lataa lae, “Hei, tete'ek-ka, Manetualain da'di ita sakasiin.”
Laban nafa'da seluk nae, “Metema, o tao mangalauk neu au anang-ngala, do o sao ina fe'ek, leomae ta hapu hataholi bubuluk fa, tehu mafandendelek te, Manetualain nanea besa-besa no ita.
Manetualain kokolak basa no Ayub, boema nafa'da Elifas nae, “Au amanasa o ma o tia-lai ka duam-mala, hu kande, emi ta mafa'da tunga ndoon-na, la'eneu Au aoinang-nga fa. Tehu, Au atang Ayub, ta leondiak fa.
Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.
Boema Pilatus natanen nae, “Ndoos ndia, sosoa na nae leo bee?” Boema Pilatus leo deak mai seluk de nafa'da hataholi Yahudi la nae, “Au ta hapu hataholi ia salan esa boen.
Boema tasi'bu matuaina da'di leona. Hataholi Farisi la mese agaman de'ubee ala fo'a lapadeik de ala la'ban lini mamate-momopon lae, “Tunga ami hahapu ma hataholi ia salan ta faanak boen! Memak fafa'ka ma hapu dula dalek do ata nusa so'dak nde kokolak fen nana!”
Tehu neme na fo hataholi ia la nde lafa'da au tao tatao-nono'i mangalauk bee ka, ndek lelek fo ala palisak au neme Mana Maketu-Mala'di Agama Matua mata na.
Au ame'da nana, au ta asala nai dede'a beek ndia boen, tehu ndia ta da'di buti esa nae, memak au ta asala fa. Lamatua ka nde naketu nae, au masalak do ta fa.
Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.
