Nsumuinu 15:32 - MUKANDA WA MYIDI MUKULU

³² Muntu udi kayi musue kulonga malu, neadikengeshe yeye nkayende. Kadi udi uteleja mibelu neasombe biakane.

Mukanda wa Nzambi Dihungila Dikulukulu ne Dihungila Dihia-dihia 2003

³² Udi ubenga diyisha udi uhetula muoyo wandi, kadi udi unvua dî dia bamubedi udi uheta lungenyi.

Nsumuinu 15:32 交叉參考

Didimanyisha 3:19

Ndi ntandisha bandi munange, mbanyoka. Nenku wikale ne tshisumi, udilengeje.

Nsumuinu 1:7

Muntu udi musue kupeta meji, atshine, kabidi anemeke Maweja-Nangila. Bantu badi bapepeja malongesha ne mibelu bia bena meji mbatshimbakane.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Nsumuinu 18:15

Muntu wa lungenyi udi ujinga kumanya malu a bungi. Muntu wa meji udi ukeba kumvua miaku idi yamba bualu.

Yakobe 1:22

Kanudidingi: kanuena mua kuteleja muaku wa Mvidi Mukulu patupu, kanuyi nuenza mene bidiwu unulomba.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 15:21

Malu a bupote adi asankisha muntu udi kayi ne meji; kadi muntu udi wela meji, udi uya buludi mu njila wa buakane.

Nsumuinu 15:14

Muntu udi wela meji udi musue kumanya malu. Kadi muntu mutatakane udi musue kulonga malu a bupale matuku onsu.

Misambu 50:17

Kuena muanyishe mibelu yanyi. Udi ubenga bindi ngamba.

Dielulula 21:20

Pafikabu nende, nebambile bakulu abu ne: “Muanetu ewu mmututombokele. Udi utupepeja, kena utumvuila to. Mmusue amu kuenza malu mabi ne kunua maluvu.”

Dielulula 21:18

Pikala muana upepeja baledi bende, kayi ubumvuila, nansha bobu bamunyoke,

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Nsumuinu 13:18

Muntu udi ubenga kuteleja badi bamukolesha, neashale mupele udibu bapetula. Kadi udi uteleja mubelu, neapete lumu.

Nsumuinu 15:5

Muntu mupote udi upetula mibelu ya tatuende. Kadi udi uyitaba udi uleja mudiye muena meji.

Nsumuinu 15:31

Muntu udi uteleja mubelu udi mua kumuambuluisha, neasombe munkatshi mua bantu ba meji.

Nsumuinu 15:33

Udi utshina Maweja-Nangila udi upeta meji. Udi udipuekesha ke udi mua kupeta lumu.

Muambi 7:5

Mbimpe kuteleja muntu wa meji udi ukudiwula pa mutu ka kuteleja muntu mupote udi ukutua makumbu.

Yeshaya 3:9

Bu mudibu bakosa nsambu ne kansungansunga, nebabafunde ku tshilumbu. Bu muvua bantu ba mu tshimenga tshia Sodome benza, ke mudi bena Yuda benza buenzavi, munda munya, kabayi babusokoka. Eyowa, mbena diakabi, bualu badi badilongoluela kabutu kabu!

Nsumuinu 10:17

Muntu udi uvuluka malongesha udi wenda mu njila wa muoyi. Udi ubenga mibelu udi upambuka.

Nsumuinu 19:20

Teleja mibelu, wanyisha bua bakulongeshe. Nanku neushale muntu wa lungenyi.