Nsumuinu 12:17 - MUKANDA WA MYIDI MUKULU

¹⁷ Muntu udi wamba malu malelela patoke, udi wambuluisha bantu. Kadi udi ujadika malu a dishima, udi wambuluisha badi badinga bantu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Udi wamba mei malelela udi umanyisha bulumbuluishi buakane bua tshilumbu, kadi mumanyi wa mashimi udi wamba mei adi abadinga.

Nsumuinu 12:17 交叉參考

Nsumuinu 12:16

Muntu mutshimbakane udi uleja tshiji tshiende patoke diakamue. Kadi muntu wa lungenyi udi usokoka kanyinganyinga kadiye naku.

Nsumuinu 12:18

Muena biakulakula udi utapa mputa minene bu ya muele wa mvita. Kadi ludimi lua bantu ba meji ludi bondapa.

Nsumuinu 14:25

Muntu udi ujadika bualu ne diyi dimue udi mua kupandisha bantu. Kadi udi ujadika ne dishima, udi ushiminyinangana malu.

Nsumuinu 14:5

Muntu udi ujadika bualu ne diyi dimue, kena ushima. Muntu udi ujadika bualu ne meyi meyi, mmuena dishima.

Nsumuinu 19:28

Mujadiki wa malu a dishima udi utua ku ba wetu. Muntu mubi udi ujinga amu kuenza bibi.

Nsumuinu 19:5

Badi banyoka muntu udi ujadika malu a dishima. Udi udinga bantu mmuena tshibawu.

Nsumuinu 21:28

Kabena bitabe bualu budi muena dishima ujadika to. Kadi muntu udi wamba amu biwaye mumvue, nebamuteleje.

Nsumuinu 24:28

Kufundi muena mutumba nebe ku tubadi padiye kayi ne bualu. Udi musue kushima bibi nenku bua tshinyi?

Nsumuinu 6:19

muntu udi ujadika malu a dishima. Kadi kudi kabidi bualu bua muanda mutekete: ke muntu udi usongakaja bena muntu.

Zekâya 8:16

Telejayi munudi mua kuenza: Muntu yonsu ambile muanabu malu malelela. Mu tubadi tuenu nukose nsambu pa yoyi, nupingaje ditalala mu ditunga.

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Matayi 26:59

Bamfumu ba batuangaji ne bena Tshipangu tshikulu bonsu, bavua bakeba bualu bua dishima bua kudingila Yezu, bua bamone mua kumufundila tshibawu tshia lufu.

Bienzedi 6:13

Kubilabu kabidi bantu bavua bamushiminyina malu, bamba ne: — Muntu ewu udi amu usendeka nzubu wetu wa tshijila, ne mikenji ya Moshe!

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.