Luke 5:1 - MUKANDA WA MYIDI MUKULU

¹ Dituku dikuabu, Yezu uvua ku muelelu wa dijiba dia Ngenesarete. Bantu bavua bamunguila bua kuteleja muaku wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Hakadiye muimane ku muelelu wa dishiba dia Genesaleta, bantu ba bungi bakamunguila bua kunvua dî dia Nzambi;

Luke 5:1 交叉參考

Dibadika 34:11

Mukalu ewu neutungunuke too ne ku Ribla, luseke ludi diba dipatukila lua Ayine. Pashishe mukalu awu neuye kumpala ufika ku bibandabanda bidi luseke ludi diba dipatukila lua dijiba dia Ngenesarete,

Matayi 11:12

Biangatshile tshikondu tshivua Yowanane-Batiste utuadija kulongesha, Mvidi Mukulu kutuadija kulongolola Bukalenga buende. Kadi too ne ku lelu, bena tshimvundu badi bakeba kukandika bantu, bua kababuitabi.

Matayi 14:34

Kusabukabu dijiba, kufikabu mu buloba bua Ngenesarete.

Marke 3:9

Ke Yezu kuambila balongi bende bua kumulongoluela buatu bukese, bua bantu kabamufimpakaji.

Marke 4:1

Yezu kubanga kulongesha tshiakabidi ku dijiba dia Ngalileya. Bantu bavule kudisangisha, kumuela munkatshi. Yeye kubuela mu buatu, kusomba. Buatu buvua pa mayi, bantu bonsu bavua ku muelelu wa dijiba.

Marke 5:24

Yezu kuya nende. Bantu bavule bavua bamulonda, bamufimpakaja nseke yonsu.

Marke 6:53

Bobu bamane kusabuka dijiba, kufikabu mu buloba bua Ngenesarete. Kusuikilabu buatu buabu ku dilobu muaba awu.

Luke 12:1

Diba adi bantu bavua bunguile binunu ne binunu, badiatangana pa makasa. Ke Yezu kudianza kuambila balongi bende ne: — Dimukayi bua buanga bua mampa budi Baparushe nabu; momumue ne: bua budingidingi buabu.

Luke 5:2

Yezu kumona matu abidi ku muelelu wa dijiba. Balobi bavua batuluke, basukula makondu abu.

Luke 8:22

Dituku dikuabu Yezu kubuela mu buatu ne balongi bende. Kubambilaye ne: — Tusabukayi dia muamua dia dijiba. Kuyabu.

Luke 8:23

Pavuabu bita buatu, Yezu kulala tulu. Bu mpindiewu tshipepele tshikole kutuuta pa dijiba. Mayi kuwula mu buatu. Bavua mu njiwu.

Luke 8:33

Nanku mikishi mibi kupatuka munda mua muntu, kubuela mu ngulube. Ngulube yonsu kupulumuka mu tshibungubungu, kudiela mu dijiba dia mayi, kufuilamu.

Luke 8:45

Yezu kuebeja bantu ne: — Uvua mundenge nnganyi? Bantu bonsu kuandamuna ne: — Katuena bakulenge to. Ke Petro kuamba ne: — Mfumu, bantu bavule mbakuele munkatshi, mbakufimpakaje nseke yonsu.

Yowanane 1:40

Umue wa ku balongi babidi bavua bumvue muvua Yowanane muambe, balonde kabidi Yezu, uvua Andre, muanabu ne Simone Petro.

Yowanane 6:1

Pashishe, Yezu kuya dishiya dia dijiba dia Ngalileya (didibu binyika kabidi ne: dia Tiberiyade).

Dielulula 3:17

Mikalu idi luseke ludi diba dibuelela, idi ilonda tshibandabanda tshia Yardene, biangatshile ku dijiba dia Ngenesarete too ne ku Mayi manene a luepu, too ne ku mukuna wa Pisga, luseke ludi diba dipatukila.

Ebrewu 13:7

Vulukayi balombodi benu ba kale, bavua banumanyishe muaku wa Mvidi Mukulu. Nuvuluke muvuabu basombe panu, nuvuluke lufu luabu. Nuidikije ditaba diabu.

Yoshua 12:3

Sihone uvua kabidi ulombola bantu bavua mu tshibandabanda mu tshitupa tshia luseke ludi diba dipatukila lua musulu wa Yardene, biangatshile ku dijiba dia Ngenesarete, luseke lua ku mutu, too ne ku Mayi manene a luepu, pabuipi ne Bete-Yeshimote, ne ku mukuna wa Pisga, kuinshi menemene mu ditunga.

Yoshua 13:27

Mu tshibandabanda tshia musulu wa Yardene muvua kabidi Bete-Arame, Bete-Nimra, Sukote ne Safone, misoku ya mu bukalenga bua Sihone, uvua mukalenga mu Eshebone. Buloba ebu buvua luseke ludi diba dipatukila lua musulu wa Yardene. Musulu wa Yardene awu uvua wenza mukalu too ne ku dijiba dia Ngenesarete didi ku mutu wa ditunga.