Nsumuinu 16:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Badi babikila muena meji ne, Mujinguludi wa mianda; bulengele bua mei a ku mishiku budi buitabushisha bantu.

MUKANDA WA MYIDI MUKULU

²¹ Muntu udi ujingulula malu ne meji udi muena lungenyi. Padiye ulongesha ne miaku idi isankisha bantu, ibatua ku muoyi, nebamuitabe lukasa.

Nsumuinu 16:21 交叉參考

1 Bakalenga 3:12

ka nakenza bu mudi dî diebe: nakukuha mutshima muakane wa lungenyi, nunku kakuakadi muntu bu wewe diambedi ne mukuabo kena ulonda ku nyima kuebe bu wewe.

Misambu 45:2

Wewe udi uhita bana balume ba bantu bonso bulengele; badi bateka kalolo mukana muebe; nunku Nzambi wakukuvudishila disanka tshiendelele.

Nsumuinu 10:13

Badi basangana meji mukana mua muntu udi ujingulula mianda, kadi mulangala udiku bua kututa nʼau nyima wa muntu udi kayi ne lungenyi.

Nsumuinu 10:23

Budi bu kunaya kudi muntu muhote bienzeye bibi, kadi meji adi disanka kudi mujinguludi wa mianda.

Nsumuinu 10:8

Muena mutshima wa meji udi witabusha mikenji, kadi muena biakulakula neahone hanshi.

Nsumuinu 15:7

Mishiku ya bena meji idi itangalasha lungenyi, kadi mitshima ya bahote kayena yenza nunku.

Nsumuinu 16:22

Lungenyi ludi bu mushimi wa mai a muoyo kudi muntu udi nʼalu, dikengesha dia bahote mbuhote buabo.

Nsumuinu 23:15

Muanʼanyi, bikala mutshima webe ne meji, mutshima wanyi mene newikale ne disanka.

Nsumuinu 27:9

Manyi ne manananshi bidi bisankisha muntu; ne mei malengele a mulunda wa muntu adi afuma ku lungenyi luimpe adi amusankisha muomumue.

Muambi 12:10

Muambi wakadifila bua kuheta mei adi asankisha bantu, mei makane ne malelela.

Yeshaya 50:4

Mukelenge Yehowa wakumpa ludimi lua badi bayila bua meme kumanya mua kukuatshisha muntu muhungile ne dî. Ku dinda ku dinda udi utabala, udi utelejesha ditshu dianyi bua kunvua bianyi bu mudi bayidi bunvua.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Matayi 11:25

Dituku adi Yesu wakandamuna dî, wakamba ne, Tatu Wanyi, Mukelenge wa diulu ne wa buloba, ndi nkusakidila bualu bua wewe wakusokoka bena meshi ne bena budimu malu â, wakuasokolola kudi bana bakese;

Luke 4:22

Bantu bonso bakamuvidila, bakakema bualu bua mei a luse akaluhuka mukana muandi, bakakonka ne, Yeye ke muana wa Yosefe, anyi?

Yowanane 7:46

Tuhalai tuakabakudimuna ne, Kakuakadi muntu kale tô ne katataka wakakula bu mudi muntu eu wakula.

Rome 16:19

Bua lumu lua ditumikila dienu luakafika kudi bantu bonso. Nunku ndi nsanka bua bualu buenu, kadi ndi musue nuenu nuikale bena meshi ku malu mimpe ne badi ne mitshima mitoke ku malu mabi.

Yakobe 3:17

Kadi meshi adi afuma mu diulu diambedi adi mimpe, hashishe adi ditalala, adi buhote, budi bualu butekete bua kuasengelela, adi mûle tente ne luse ne mamuma mimpe, kêna ne mpata, kêna ne lubombo.