Nsumuinu 14:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Nebashimbule nsubu wa bantu babi, kadi ntenta wa bantu bakane neajalame.

MUKANDA WA MYIDI MUKULU

¹¹ Nzubu wa bantu babi udi ne kabutu, wa bantu bakane neashindame.

Nsumuinu 14:11 交叉參考

Yobe 15:34

Bualu bua tshisumbu tshia babengi ba Nzambi katshiena tshitanta, ne kahia nekashidishe ntenta ya bena mbueshilu.

Yobe 18:21

Bulelela, ebu mbualu budi bukuata nsubu ya bantu babi, eu mmuaba wa muntu udi kayi mumanye Nzambi.

Yobe 21:28

Bualu bua nudi nuamba ne. Nsubu wa mukokeshi udi kudi kunyi? Ntenta wakadi bantu babi bashikame udi kudi kunyi?

Yobe 8:15

Yeye udi weyemena nsubu wandi, kadi nsubu kena ushindama; neamuobokele ne bianza biandi, kadi kena ukandamana.

Yobe 8:22

Bena lukuna bebe nebafuishibue bundu, ne ntenta wa bantu babi kena wikalaku kabidi.

Yobe 8:6

biwikala ne mutshima mutoke, biwikala muakane; bulelela, yeye neabike bua kukukuatshisha mu bualu buebe, neahingashe diakalengele ku nsubu webe wa buakane.

Misambu 128:3

Mukashi webe neikale bu muonshi wa tumuma udi ukuama bimpe munda mua nsubu muebe. Bana bebe baledibue nebikale bu ntonga ya mitshi ya olive, banyunguluke mesa ebe.

Misambu 37:10

Tshituha tshihi katshiyi tshianji kuleha, muntu mubi kena wikalaku kabidi; e, neukebe kumona muaba wandi ne disuminyina, kena wikalaku.

Nsumuinu 11:28

Udi weyemena biuma biandi neahile hanshi, kadi bantu bakane nebadiunde bu mudi dianyi dibishi didiunda.

Nsumuinu 12:7

Badi babutula bantu babi; bantu babi kabenaku kabidi; kadi nsubu wa bantu bakane neajalame.

Nsumuinu 15:25

Yehowa udi usasula nsubu wa badi badisue, kadi udi ujadika mukalu wa buloba bua mukashi wa mu lufuila.

Nsumuinu 21:12

Muntu muakane udi umona ba mu nsubu wa muntu mubi bu mudibo; bantu babi badi bedibua hanshi tô ne habutukabo.

Nsumuinu 21:20

Mu nsubu wa muena meji mudi biuma bia mushinga mukole ne manyi kabidi, kadi muntu muhote udi ubimina.

Nsumuinu 3:33

Mulau wa Yehowa udi mu nsubu wa bantu babi, kadi udi uvudishila nsubu wa bantu bakane disanka.

Zekâya 5:4

Yehowa wa misumba udi wamba ne, Nengutume, neubuele mu nsubu wa muibi, ne mu nsubu wa muntu udi uditshiha ne mashimi mu dina dianyi; neushale munda mua nsubu wandi, neumuoshe diatshimue ne mabaya andi ne mabue andi kabidi.