Luke 2:2 - Mukanda wa Nzambi Dihungila Dikulukulu ne Dihungila Dihia-dihia 2003

² Eku kuakadi kuindisha kua kumudia kuakenzabo, hakadi Kulenio ngovena wa Sulia.

MUKANDA WA MYIDI MUKULU

² Ke musangu wa kumpala uvuabu babadike bantu nanku. Bivua bienzeka diba divua Kiriniyuse mutangidi wa buloba bua Siriya.

Luke 2:2 交叉參考

Matayi 4:24

Lumu luandi luakatangadika mu luseke luonso lua Sulia; bakalua kudiye ne bantu bonso bakadi basame, bakuabo bakadi bakuatshike mabedi a bungi ne didinyenga, bakuabo bakadi bakuatshike kudi bademon, bakuabo bakadi ne tshiseke, bakuabo bakadi ne tuneke; yeye wakashikisha masama abo.

Luke 2:1

Mu matuku au Kaisa Augusto wakela mukenshi ne, Bafundishe mena a ba ha buloba bonso.

Luke 2:3

Bantu bonso bakaya bua kufundishabo mena abo, mutu kuabo mutu kuabo.

Luke 3:1

Mu tshidimu tshia dikumi ne itanu tshia bunfumu bua Tibelio Kaisa, hakadi Ponto Pilato ngovena wa Yudaya, ne hakadi Helode muloho wa Galela, ne hakadi muanʼabo Filipo muloho wa luseke lua Itulaya ne Takoniti, ne hakadi Lusania muloho wa Abilene,

Bienzedi 13:7

Wakadi mushikame ne muloho munene, dina diandi Sêgio Paulo, muntu wa lungenyi. Sêgio Paulo wakabikila Bânaba ne Shaula, wakakeba bua kunyua dî dia Nzambi.

Bienzedi 18:12

Hakadi Galio muloho munene mu luseke lua Akaya, Bena Yuda bakabika diatshimue, bakatantamena Paulo, bakalua nʼandi ku tshilumbuluidi,

Bienzedi 23:26

Kulaudio Lusia udi utumina ngovena wa butumbi Felika muoyo.

Bienzedi 26:30

Mukelenge wakabika ne ngovena no Bênike ne bakadi bashikame nʼabo.

Bienzedi 5:37

Ku nyima kua bualu ebu Yuda wa mu Galela wakabika mu matuku akadibo bafunda mena a bantu, wakalohesha bantu bakuabo ku nyima kuandi; yeye kabidi wakafua, bonso bakadi bamutumikila bakatangadishibua.