Luke 13:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Nuidikishe mua kubuela ku mushiku wa mbelu mubumbakane; ndi nuambila ne, Ba bungi nebakebe kubuelaku, nebahange.

MUKANDA WA MYIDI MUKULU

²⁴ Enzayi muenu muonsu bua nubuele ku tshiibi tshibulakane. Bualu ndi nnujadikila ne: bantu ba bungi nebakebe kubuela, kadi kabakubuela to.

Luke 13:24 交叉參考

Nsumuinu 14:6

Mubuidi udi ukeba meji, kena waheta, kadi diheta dia lungenyi didi bualu butekete kudi mujinguludi wa mianda.

Nsumuinu 21:25

Disua dia mufuba didi dimushiha, bualu bua bianza biandi bidi bibenga kukuata mudimu.

Muambi 10:15

Midimu ya bahote idi ibatekesha; kabena bamanye mua kuya ku musoko.

Yeshaya 1:15

Nunku, hanuolola bianza bienu kundi, nensokoke mesu anyi kunudi; e, hanuantendelela ne mitendelelu ya bungi mene, tshiena nnunvuila; bianza bienu bidi biule tente ne mashi.

Yezekiyele 33:31

Nunku badi balua kûdi bu muakadibo balua diambedi, ne badi bashikama ku mpala kuebe badifuanyikisha bu bantu banyi; badi bunvua mei ebe, kadi kabena baenza; badi ne dinanga dinene ku mishiku, kadi mitshima yabo idi mitangisha ku luhetu luabo.

Matayi 11:12

Ku matuku a Yone Mubanji tô ne katataka bukelenge bua mu diulu budi bubuedibua ku bukole, banyengi badi babunyenga ku bukole.

Luke 13:23

Muntu wakamukonka ne, Mukelenge, bantu banya-banya nebasungidibue, anyi? Yeye wakabambila ne,

Luke 21:36

Tabalai misangu yonso, nutendelele Nzambi mua kuikala ne bukole bua kuhanduka mu malu â onso alua, ne bua kuimana ku mesu kua Muana wa muntu.

Yowanane 13:33

Bana banyi bakese, nengikale nʼenu tshituha tshihi. Nenunkebe, hadi bu munakambila Bena Yuda ne, Kanuena bamanye mua kulua kunaya; katataka udi nuambila nuenu muomumue.

Yowanane 5:4

]

Yowanane 6:27

Kanukuatshi mudimu bua bia kudia bitu biafua, kadi nûkuate bua bidi bishala tô ne ku muoyo wa tshiendelele, bianuha Muana wa muntu; bualu bua Tatu, Nzambi mene, wakamuteka tshimanyishilu.

Yowanane 7:34

Nenunkebe, kanuena nunmona; kanuena bamanye mua kulua kungikala.

Yowanane 8:21

Yeye wakabambila kabidi ne, Nengumuke bianyi, nenunkebe, nenufue mu bubi buenu; kanuena bamanye mua kulua kunaya.

Rome 10:3

Bualu bua hakahangabo kumanya buakane bua Nzambi, ne hakadibo bakeba kujadika buakane buabo mene, kabakadikokesha ku buakane bua Nzambi.

Kolose 1:29

Bua bualu ebu kabidi ndi ngenza mudimu bikole, ndi ntshinta bikole bu mudi kuenzesha kuandi kudi kuenza munda muanyi mu bukole.

Ebrewu 4:11

Nunku tutshintai bietu bua kubuela mu dikisha adi, bua muntu kahonyi mu kulonda kua tshifuanyikishi tshiotshimue tshia buhidia.

Yoshua 7:3

Bobo bakahingana kudi Yoshua, bakamuambila ne, Kambualu bua bantu bonso kuya nansha, kadi anu balume binunu bibidi anyi bisatu baye bua kuluisha Bena Ai; kuenzeshi bantu bonso mudimu eu nansha, bualu hua bobo badi bantu banya-banya.

2 Petro 1:10

Nunku, bana betu, mitambe kunanukila bua kujadika dibikidibua dienu ne disungula dienu; bua binuenza malu â, kanuena nulenduka tshiendelele;