Luke 10:33 - Mukanda wa Nzambi Dihungila Dikulukulu ne Dihungila Dihia-dihia 2003

³³ Kadi Muena Samalea wakadi ulua mu nshila, wakalua kudiye; hakamumoneye, luse luakamukuata,

MUKANDA WA MYIDI MUKULU

³³ Kadi muena Samariya kampanda uvua upitshila mu njila awu. Kufikaye muaba uvua muntu awu. Umumona, luse kumukuata bikole.

Luke 10:33 交叉參考

1 Bakalenga 8:50

Ulekelele bantu bebe mahanga abo, ubabuikidile mibi yabo yakukuenzelabo; ubafuishe luse kudi bakababuesha mu buhika, bua bobo babafuile luse;

Ekesode 2:6

Yeye wakatshisulula, wakamona muana, ne muana wakadila Yeye wakafuka muana luse, wakamba ne, Yeye udi muana wa Bena Ebelu.

Nsumuinu 27:10

Kulekedi mulunda webe ne mulunda wa tatu webe; kubuedi mu nsubu wa muanʼenu dituku dia dikenga diebe. Kuikala ne muena mutumba udi ha buihi kudi kuhita kuikala ne muanʼenu udi kule buimpe.

Matayi 10:5

Yesu wakamuangalasha bantu aba dikumi ne babidi, wakalayangana nʼabo ne, Kanuyi mu nshila wa ku bisamba bia bende, kanubuedi mu musoko wa Bena Samalea;

Matayi 18:33

munyi wewe kabidi kufu muhika nʼebe luse bu munakukufua wewe luse?

Luke 10:32

Muena Lewi muomumue, hakalueye ku muaba au, hakamumoneye, wakahitshila ku luseke lukuabo kabidi.

Luke 10:34

wakalua kudiye, wakamujingila tshilulu ha mputa, wakelabu manyi ne nvinyo; wakamushikika ha nyima ha nyama wandi, wakalua nʼandi ku nsubu wa tshilala benyi, wakamulama bimpe.

Luke 7:13

Hakamutangila Mukelenge, yeye wakamufua luse, wakamuambila ne, Kudidi.

Yowanane 4:9

Mukashi wa mu Samalea wakamukonka ne, Wewe Muena Yuda udi undombela meme Muena Samalea mai a kunua tshinyi? (Bualu bua Bena Yuda kabena babuelakana ne Bena Samalea.)

Yowanane 8:48

Bena Yuda bakamuebesha ne, Katuena tuamba bulelela ne, Wewe udi Muena Samalea, udi ne demon munda, anyi?