6 Zonake a wasati i lo ya byela a nuna wakwe, aku: Ku tile ka mina a munhu wa Nungungulu. A kutshisa kakwe i fanana ni ngelosi ya Nungungulu. A nzi mu wutisangi lomu a tako ha kona, na yenawu a nga nzi byelangi vito gakwe.
I lo tlakusa a mahlo yakwe i lo cuwuka; languta, madota manharu ma wa yimile kusuhani kakwe, ni laha a nga va wona i lo suka hi laha nyangweni ya tenda a tsutsuma ku va khinga, i lo korama, Maheb. 13:2
Zonake loyi wasati i te ngalo ka Elija! I mhaka muni nzi nga nayo na wena munhu wa Nungungulu? Kasi u tile laha a ku ta nzi alakanyisa zionho za mina ni ku ta daya nwananga ke? Lu. 5:8
Elixa i te ngalo ka yena: A ka leyi nguva ha nwakani, wena u ta wukarela a nwanana. Yena aku: Ahihi hosi yanga, u nga hembeli a nanza ga wena! Gen. 18:10
Ku lo woneka ka yena a ngelosi ya Jehova lomu pingweni ga nzilo xikari ka xihlahla. Mosi i lo wona a xihlahla na xi kari xi vura nzilo, kanilezi na xi nga mbheli. Deut. 33:16; Miti. 7:30
Yena i lo engeta kambe aku: Hi mina Nungungulu wa raru wa wena, a Nungungulu wa Abrahama, ni Nungungulu wa Isaka, ni Nungungulu wa Jakobe. Zonake Mosi i lo fenengeta nghohe yakwe, hakuva i lo chava ku cuwuka Nungungulu.
Aku ka mina: Danieli, wena wanuna a ranzekako nguvu, pima a timhaka leti nzi ku byelako u yima uku tseka, hakuva nzi rumilwe ka wena makunu. Na a wulile lezo ka mina, nzi lo yima na nzi dzevatana.
nzi lo tlakusa a mahlo ya mina, nzi wona a wanuna loye a nga ambele tinguwo ta wukene, na a bohile tinyonga takwe hi bhandi ga nzalama ya le Ufazi. Jer. 10:9; Kuv. 1:13
I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.
A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14
Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1
Zonake a vanana va ka Juda va lo tshinela ka Joxua le Gilgale, na Kalebi nʼwana Jefuna a muKenezi, i te ngalo ka yena: Wena wa zi tiva lezi Jehova a wulileko ka Mosi, a munhu wa Nungungulu, xungetano ha mina, ni xungetano ha wena le Kadexi-Barnea.
Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10
Kanilezi yena i te ngalo ka mina: U ta xura nyimba, u pswala nisanyana. Makunu u nganwi vinya, hambu byala. Ni kambe u ngagi a zilo zi nga hlazekangiko, hakuva a nwanana i ta maha muNazirita wa Nungungulu kusukela rumbyini ga nyine wakwe, kala afa.
Makunu Manoa i lo kombela ka Jehova, aku: Hosi yanga, a munhu wa Nungungulu, loyi wena u mu rumileko, a engete kambe ata ka hina a ta hi gonzisa lezi hi faneleko ku zi maha hi nwanana loyi a ta nga pswalwa.
Zonake a ngelosi ya Jehova yi lota yi ta tshama lahasi ka nkuhlu lowu wu nga le Ofra, ka Joaxi a muAbiezeri. A nʼwana wakwe Gideoni i wa kari a phopha mavele lomu xigowolweni, kasi ku fihlela vaMidiani.
Zonake ku lota a munhu wa Nungungulu ka Eli, a taku: Jehova i ngalo: Xana a nzi ti wonekelisangi ka yindlu ya raru wa wena laha va nga hi le Gipite lomu ndlwini ya Faro ke?
Kanilezi a nanza gi te ngalo kakwe: Ku na ni munhu wa Nungungulu laha ka muti lowu, a munhu wo dzunzeka; zontlhe lezi a zi wulako za maheka. A hiye kakwe kutani i ta hi byela za pfhumba ga hina, lezaku i ndlela muni hi faneleko ku famba ha yona.
